कोहरा
KOHRRA
अनिवासी भारतीय पॉल लग्नासाठी आपल्या गावी पंजाबमध्ये आलाय.त्याच्यासोबत मित्र लियामसुद्धा आहे.
पॉलची पंजाबमध्ये मोठी फॅमिली आहे. लग्नाच्या आदल्या दिवशी पॉल आणि लियाम फिरायला बाहेर पडतात .दुसऱ्या दिवशी शेतात पॉलचा मृतदेह पोलिसांना सापडतो.पॉलच्या मानेवर आणि डोक्यात जखमा झालेल्या असतात .त्याचे स्मार्ट वॉच आणि अंगठी गायब झालेली असते .पण लियामचा कुठेही पत्ता लागत नसतो.
सब इंस्पेक्टर बालबीरसिंह आणि त्याचा तरुण साथीदार गरुंदी या प्रकरणाचा शोध घेण्यास सुरुवात करतात.पंजाबमधील प्रतिष्टीत फॅमिली आणि अनिवासी भारतीय त्यात एक परदेशी युवक बेपत्ता यामुळे बलबीरसिह आणि गरुंदीवर खूपच दडपण आलेले असते. तरीही ते अतिशय जोमाने या प्रकरणाचा शोध घेतात आणि सत्य उजेडात आणतात.
ही सिरीज केवळ खुनाचे प्रकरण नाही तर अनेक मानवी स्वभाव उलगडून दाखवते.इथे प्रत्येक पात्राचे खाजगी आयुष्य आहे .बलबीरसिह आणि गरुंदीच्या खाजगी आयुष्यात खूप प्रॉब्लेम आहेत पण त्यातूनही ते खुनाच्या तपासाला प्राधान्य देतात त्यासाठी घरच्यांची नाराजी ओढवून घेतात.
यातील शेवट अनपेक्षित असला तरी धक्कादायक नाहीय.
उडता पंजाब ,कॅट सारख्या चित्रपट सिरीजमध्ये काम केलेला सुविंदर विकी बलबीरच्या प्रमुख भूमिकेत आहे.असुर सारख्या सिरीजमध्ये गाजलेला बरून सोबत्ती गरुंदीच्या भूमिकेत छाप पडतो.
सिरीज नेटफ्लिक्सवर आहे
