THE COVENANT
द कॉवेनंट
अफगाणिस्तानात जेव्हा अमेरिकी सैन्य तालिबानच्या मागावर होते तेव्हा त्यांना दुभाष्याची गरज लागत होती.हे दुभाषीही त्यांना नीट पारखून घ्यावे लागत.
जॉन किंली आणि त्याची त्याची टीम अफगाणिस्तानातील शेवटच्या दौऱ्यात होती.त्यांचा दुभाषी मारला गेला होता .आता त्यांना अहमद नावाचा दुसरा दुभाषी भेटला होता.अहमद मितभाषी शांत होता त्याची निर्णय घेण्याची क्षमता होती.आत्मविश्वास होता.
तालिबानचे हत्यारांचे कारखाने शोधणे आणि ते नष्ट करणे हे जॉनच्या तुकडीचे प्रमुख काम. साधारणतः सैनिक आणि दुभाषाचे एक ट्युनिंग जुळायला लागते.जॉनचा अहमदवर फारसा विश्वास नव्हता .कदाचित ते पहिल्यांदाच एकत्र काम करत होते म्हणून असावे.पण अहमदची जॉनला खूप मदत झाली .
एके दिवशी बेसपासून साधारण 120 किलोमीटर दूर तालिबानचा शस्त्रांचा कारखाना आहे अशी बातमी जॉनच्या तुकडीला लागते. बेसपासून साधारण तीन तासांचा प्रवास जॉन आणि त्याची तुकडी सुरू करते.
हातघाईची लढाई होऊन जॉन तो कारखाना नष्ट करतो पण दुर्दैवाने त्याला अपेक्षित नसलेले शेकडो तालिबानी त्यांच्यावर हल्ला करतात .हा हल्ला इतका जोरदार असतो की त्यात जॉनचे सगळे साथीदार मारले जातात .पण अहमद आणि जॉन तेथून निसटतात आणि जंगलाचा आश्रय घेतात .तिथे सगळीकडे तालिबान पसरलेले असतात . ते दोघांच्याही मागावर निघतात . त्यात जॉनच्या मांडीला गोळी लागून तो भयंकर जखमी होतो .
आता अहमदवर संपूर्ण जबाबदारी आहे जॉनला सुमारे शंभर किलोमीटर दूर असलेल्या बेस कॅम्पवर घेऊन जायची .रस्तोरस्ती तालिबान सैनिक त्या दोघांच्या शोधात आहेत. त्यामुळे जॉनला गाडीने घेऊन न जाता डोंगरदऱ्यातून हातगाडीवरून खडतर मार्गाने अहमदला जॉनसोबत प्रवास करायचा आहे. अहमद जॉनला सुरक्षितस्थळी पोचवेल का ??
चित्रपट इथेच संपत नाही .तर त्यापुढचा भाग अजून रोमांचकारी आहे .तो पाहायचा असेल तर अमेझॉन प्राईमवर हा चित्रपट जरूर पहा .
मानवी नात्यांचा आणि सदसदविवेकबुद्धी जोपासणारा सुंदर चित्रपट
