BHAVESH JOSHI SUPERHERO
भावेश जोशी सुपरहिरो
सुपरहिरो होण्यासाठी कोणत्याही दैवी शक्तीची गरज नाही.सामान्य माणूस ही सुपरहिरो बनू शकतो .फक्त त्याच्या मनात अन्यायाची चीड असावी . सामाजिक नियम पाळण्याकडे लक्ष दिले पाहिजे.
भावेश जोशी, सिकंदर उर्फ सिकू खन्ना, आणि रजत हे तीन तरुण मित्र असेच आहेत.ते उच्चशिक्षित आहेत. त्यांनाही अन्यायाची चीड आहे.नियम तोडणाऱ्यांविरुद्ध त्यांच्या मनात राग आहे. इंसाफ नावाचे त्यांचे एक चॅनेल आहे .ते कागदाची खाकी पिशवी डोक्यावर पांघरून आपल्या परीने अन्यायाविरुद्ध लढतात.
भावेश जोशी खूपच सेन्सेटिव्ह आहे.देश हळूहळू बदलेल याची त्याला खात्री आहे.रजत घाबरट आहे पण नेहमीच त्यांना साथ देतो.पण पासपोर्ट काढताना सिकूला पोलिसांच्या भ्रष्टाचाराचा अनुभव येतो आणि त्याचा सर्व गोष्टींवरचा विश्वास उडतो. यावरून भावेश आणि त्याच्यात वाद होतो.
शहरात बऱ्याच ठिकाणी पाणी वेळेवर येत नाही.कॉर्पोरेशन चार तास पाणी सोडते पण काहींना ते पुरतच नाही.एक वरिष्ठ नागरिक भावेशला मेल पाठवतो .भावेश इंसाफ बनून त्याला भेटतो तेव्हा तो सगळी माहिती त्याला देतो.एक नगरसेवक मोठ्या पाईपलाईनमधून चोरून पाणी आपल्या टँकरमध्ये भरतो.
भावेश त्याच्या सगळ्या करामतीचा व्हिडिओ काढतो .पण ....
भावेश हे प्रकरण उघडकीस आणेल का ?? या कामात सिकू त्याला कितपत साथ देईल ?
सुपरहिरो बनणे इतके सोपे असेल का ??
हे तर सर्वसामान्य तरुण आहेत .त्यांना धड मारामारी करता येत नाही .नगरसेवकाच्या गुंडांपुढे ते टिकतील का ?? हर्षवर्धन कपूर ,प्रियांशु पैंयुली, आशिष वर्मा ने सिकू, भावेश जोशी आणि रजत साकारले आहेत.तर चिन्मय मांडलेकरने इंस्पेक्टर सुनील जाधवची भूमिका केली आहे . निशिकांत कामात मुख्य खलनायक राणाच्या भूमिकेत आहे.
एक चांगला चित्रपट हॉटस्टारवर हिंदी भाषेत आहे.
