LUCKY BASKHAR
लकी भास्कर
माणसाने कितीही पैसे कमावले तरी ते त्याला कमीच असतात.त्याला कुठे थांबायचे ते कळत नाही आणि त्याचा शेवट वाईट होतो.
भास्कर मगधा बँकेत असिस्टंट जनरल मॅनेजर आहे .एके दिवशी सकाळी त्याच्या घरासमोर सीबीआयची गाडी उभी राहते आणि ऑफिसर त्याला बँकेत घेऊन जातात.
त्याचे खाते चेक करतात तेव्हा त्याच्या अकाउंटमध्ये शंभर कोटी रुपये दाखवीत असतात.एका बँकेत काम करणाऱ्या व्यक्तीच्या नावावर इतके पैसे कसे हा प्रश्न सीबीआय ऑफिसरला पडतो आणि सुरू होते भास्करची कहाणी.
बँकेत कॅशियर पदावर नोकरी करणारा भास्कर कसेबसे आपले घर चालवीत असतो.त्याची अनेकांकडे उधारी असते.ते लोक नेहमी त्याला अपमानित करत असतात.
त्याच वेळी तो इम्पोर्ट व्यवसायात शिरतो .बँकेतून पैसे चोरून तो हा धंदा करतो .पण आपण कधीतरी पकडले जाणार याची त्याला कल्पना असते म्हणून वेळेतच तो त्यातून बाहेर पडतो.
बँकेचे चेयरमन त्याला असिस्टंट जनरल मॅनेजर बनवितात .तेव्हा त्याला बिग बुल कडून शेअर मार्केटची माहिती मिळते आणि तो आपली खेळी खेळायला सुरवात करतो .
भास्कर आपल्या खात्यात पांढरे शंभर कोटी कसे गोळा करतो हे निश्चितपणे पाहण्यासारखे आहे.पण त्याचे शत्रू अनेक निर्माण झालेत.बिग बुल ही त्याचा शत्रू झालाय.आता सर्व भास्करला सापळ्यात अडकवायला बघतायत.
यात ते यशस्वी होतील की भास्कर त्यांना पुरून उरेल.
नाही, यात कोणताही हिंसाचार नाही .शिव्या नाहीत ,तोडफोड नाही.ही फक्त कागदावरची डोक्याने लढली जाणारी लढाई आहे.जो हरेल त्याला तुरुंगवास निश्चित आहे.
दुलकर सलमानने नेहमीच वेगळ्या पठडीतील भूमिका केल्यात. भास्कर त्याच्या व्यतिमत्वात फिट बसतो.मीनाक्षी चौधरीने त्याच्या पत्नीची सुमतीची भूमिका केली आहे .तर टीनू आनंद, सचिन खेडेकर त्यांच्या साथीला आहेत.
पैश्याची उलाढाल कशी असते त्यात बँकेची भूमिका काय हे पहायचे असेल तर नेटफ्लिक्सवर लकी भास्कर नक्की पहा.
No comments:
Post a Comment