कॅरी ऑन

CARRY - ON

कॅरी ऑन

ख्रिस्तमसच्या संध्याकाळी विमानतळ गर्दीने फुलून गेलेला असतो. विमानतळावर TSA चा स्टाफ आहे. TSA विमानतळावर सर्व सर्व्हिस पुरवितात. 

इथन TSA चा एक कर्मचारी. त्याची गरदोर मैत्रीण नोरा तिथेच कामाला आहे.पोलीस अकादमीत जायचे इथनचे स्वप्न आहे . तो नेहमीच काही चुका करतो त्यामुळे त्याला प्रमोशनही मिळत नाही. आजही त्याला विमानतळावर महत्वाच्या ठिकाणी ड्युटी पाहिजे पण त्याला मिळत नाही.पण त्याचा मित्र त्याला प्रवाश्यांच्या बॅग स्कॅन करायची आपली ड्युटी देतो.

प्रवाश्यांच्या बॅग स्कॅन करायची ड्युटी फारच महत्वाची असते .पण त्याचवेळी त्याला अज्ञात फोन येतो.एका विशिष्ट प्रवाश्याची बॅग स्कॅन न करता जाऊ दिली नाही तर नोराची गोळी घालून हत्या करण्यात येईल असे धमकवण्यात येते. त्याचबरोबर दोघांची संपूर्ण माहिती दिली जाते .विमानतळावरील प्रत्येक कॅमेरे त्यांनी हॅक केले आहेत.इथनच्या प्रत्येक हालचालीवर नजर ठेवली जातेय.

त्या बॅगेत एक केमिकल बॉम्ब आहे .तो फुटला तर विमानतळावर हजर असलेला  प्रत्येकजण मारला जाईल.आणि विमानात गेला तर विमानातील सर्व प्रवासी मारले जातील.

इथनला फोनवरून सूचना मिळतात आणि त्याप्रमाणेच त्याला वागावे लागते. इथन तो बॉम्ब निकामी करेल का ? 

श्वास रोखून धरायला लावणारा हा चित्रपट नेटफ्लिक्सवर हिंदी भाषेत आहे.