Knock at the Cabin
नॉक ऍट द केबिन
एरीक आणि आंद्रु एक गे कपल . त्यांनी वेन नावाची मुलगी दत्तक घेतलीय. वेन आता आठ वर्षाची होईल.
आता ते तिघेही जंगलातील आपल्या छोट्या घरात सुट्टीसाठी आलेत. जंगलात फिरत असताना वेनला लिओनार्द भेटतो. तो एक शिक्षक आहे आणि लहान मुलांना शिकवतो . तो वेनशी मैत्री करतो आणि तिला सांगतो आम्ही चारजण तुझ्या घरी येणार आहोत.वेन घाबरून घरी येते आणि आपल्या दोन्ही वडिलांना ही गोष्ट सांगते.
अचानक दरवाजावर टकटक होते.लिओनार्द त्यांना सांगतो आम्हाला घरात घ्या पण एरीक आणि आंद्रु त्यांना आता घेत नाही. नाईलाजाने ते आपल्या हातातील हत्याराने दरवाजा तोडून आत येतात. रेमंड एक बार टेंडर आहे.सब्रीना नर्स आणि अद्रियन कुक आहे.
हे चारही एकमेकांना ओळखत नाही . ते पूर्वी कधीही भेटलेले नाहीत .पण याना काही सारखेच भास होतात म्हणून ते एकत्र आलेत असे लिओनार्द एरीक आणि आंद्रुला सांगतो.
ते सर्व त्या दोघांना बांधून ठेवतात .त्यांच्या जखमेवर मलमपट्टी करतात. जग विनाशाच्या काठावर आलंय आणि तुम्हीच जगाला विनाशपासून वाचवू शकाल असे लिओनार्द त्यांना सांगतो.त्यासाठी आम्ही तुम्हाला मारणार नाही पण तुमच्या तिघांपैकी एकाला दुसऱ्याच्या हातून मरावे लागेल अशी अट आहे.
जगाच्या विनाशाची सुरवात झालीय हे बातम्यांमार्फत त्यांना दाखवून देतो .जगात काही ठिकाणी सुनामी आलीय तर काही ठिकाणी भूकंप होतायत असे बतम्यांमधून दिसून येते.
एरीक आणि आंद्रु यांचा यावर विश्वास बसत नाही .ते नकार देतात .जगाला विनाशपासून वाचविण्यासाठी आमच्यातील एक का मरेल ? यावर त्यांचा विश्वास बसत नाही .
लिओनार्द आणि त्याचे साथीदार खरे बोलतायत का ?
एरीक, आंद्रु , वेन यापैकी एकाची आहुती खरोखर जगाचा विनाश टाळेल ? लिओनार्द आणि त्याचे साथीदार नक्की कोण आहेत ?
एम.नाईट श्यामलनने आतापर्यंत अनेक गूढ रहस्यमय चित्रपटाचे दिग्दर्शन केले आहे .त्यातील हा एक चित्रपट नेटफ्लिक्सवर हिंदी भाषेत आहे.
