फिस्ट ऑफ गॉड

फिस्ट ऑफ गॉड ...फ्रेडरिक फोरसीथ

अनुवाद ....अनिल काळे

मेहता पब्लिशिंग हाऊस

2 ऑगस्ट 1990 साली इराकच्या बलाढय सैन्य कुवेतमध्ये शिरलं आणि केवळ सहा तासात त्यांनी कुवेतवर ताबा मिळवला. कुवेत मुक्त करण्यासाठी अमेरिका ब्रिटन देशाच्या संयुक्त फौजांनी इराकविरुद्ध युद्ध पुकारले.सद्दाम हुसेनच्या मनात काय चालू आहे हेच ब्रिटन आणि अमेरिकेला माहीत नाही.तो कुवेत बाबत काय निर्णय घेणार याचीही कल्पना त्यांना नाही .परदेशी नागरिकांवर कुवेतमध्ये कडक नजर ठेवली जातेय. त्यांना असा माणूस पाहिजे जो अरब दिसेल,अरबी भाषा बोलेल.

योगायोगाने ब्रिटिश सैन्यात मेजर माईक मार्टिन आहे जो स्पेशल फोर्समध्ये कमांडो आहे.अनेक घातक मोहिमा त्याने यशस्वी केल्यात.त्याचे पूर्वज भारत आणि इराकमध्ये होते त्यामुळे तो अरब दिसतो आणि अरबी भाषा ही बोलतो. तो बगदादमध्ये लहानाचा मोठा झालाय. त्याचा भाऊ टोनी मार्टिन अरब भाषेचा अभ्यासक आहे.

मेजर मार्टिन कुवेतमध्ये शिरतो .तिकडच्या कुवेती बंडखोरांना इराकी सैन्याविरुद्ध लढण्याचे शिक्षण देतो.बंडखोरांना शस्त्रे पुरवितो .कुवेतमधील इराकी सैन्याच्या हालचाली कळवतो.

मोसादकडे सद्दामच्या बातम्या पुरविणारा एक व्यक्ती आहे असे ब्रिटन आणि अमेरिकेला कळते.स्वतःला जेरीको म्हणवणारी व्यक्ती भरपूर पैश्याच्या मोबदल्यात अचूक बातम्या पुरविते. तिची बातमी देण्याची विशिष्ठ पद्धत आहे.त्यामुळे कोणीही तिचा माग काढू शकत नाही. ती इराकमध्ये आहे .छोट्या चिट्ठीद्वारे ती संपर्क करत असते.

आता ब्रिटन आणि अमेरिकेला जेरीकोकडून बातम्या हव्यात. त्यासाठी वाटेल तितके पैसे मोजायला तयार आहेत.  त्यांनी या कामी पुन्हा मेजर माईक मार्टिनची निवड केलीय.

एक दिवस अचानक इंग्लडमध्ये एक संदेश पकडला गेला.त्यात कुब्त - उल- अल्ला नावाच्या शस्त्राचा उल्लेख होता.हे शस्त्र संयुक्त राष्ट्रांच्या सैन्याला पुरून उरेल असा संदेश होता. 

मेजर मार्टिनला आता या शस्त्राची माहिती काढून त्याचा ठिकाणा सैन्याला द्यायचा आहे.

कुब्त - उल - अल्ला याचा अर्थ अल्लाचा ठोसा असा होतो.

खरच असे शस्त्र सद्दाम हुसेनकडे आहे ? त्याच्या जोरावरच त्याने कुवेतवर हल्ला करून अमेरिका ब्रिटनशी युद्ध पुकारले ? 

या सर्वांची उत्तरे शेवटच्या काही पानात मिळतील त्यासाठी ही कादंबरी पूर्ण वाचायला हवी.