मृत्युंजय

Mrithyunjay

मृत्युंजय

जय एका वृत्तपत्रात नोकरीला आहे.तो पत्रकार नाही तर जाहिरात आणून द्यायचे काम करतो.पण ते काम थोडे विचित्र आहे.एखादी व्यक्ती मृत्यू पावली की तो तिथे जातो.तो हुशार आहे आणि त्याची मेमरी शार्प आहे.आपल्या कुशाग्र निरीक्षणशक्तीने तो मयताची सगळी माहिती काढतो.गरज पडल्यास मयताला खांदा देतो . त्यांच्या घरी चहापाणीही देतो आणि थोड्या वेळात त्याच्या श्रद्धांजलीची ऍड देण्यास नातेवाईकांना प्रवृत्त करतो.

आजही तो एका अंत्यसंस्कारासाठी आलाय. अच्युत शर्माचा एका अपघातात मृत्यू झालाय. त्याच्या मागे सात वर्षाची मुलगी आहे.तिला पाहून जय मनातून हलतो .काही दिवसांनी अजून एक मृत्यू पावतो.जय तिथेही जातो आणि मयताकडे बघून असे जाणवते अच्युत आणि या मयताचा अपघात एकसारखा आहे.

अच्युत एका बँकेत कामाला होता आणि बँक घोटाळ्यासंबंधित एक महत्वाचा साक्षीदार होता. अच्युत आणि दुसऱ्या व्यक्तीचा अपघात नसून खून झालाय हे जयला कळते पण पोलीस अधिकारी सीता यावर विश्वास ठेवत नाही . खुनी एक प्रोफेशनल किलर आहे .त्याचे कोठेही रेकॉर्ड नाही.तो अपघाती मृत्यू दाखविण्यात पटाईत आहे. 

जय त्याला शोधण्याचे ठरवतो पण त्याचवेळी किलरला जयविषयी कळते आणि तो जयच्या मागे लागतो .तोही जय इतकाच हुशार आहे.

आता सुरू झालाय बुद्धिबळाचा एक भयानक खेळ.यात जो हुशार ठरेल तोच जिवंत राहणार हे नक्की.बघू कोण जिंकतेय .

 खुर्चीवर खिळवून ठेवणारा शह काटशाहाचा खेळ पाहायचा असेल तर नेटफ्लिक्सवर हिंदी भाषेतील मृत्युंजय चुकवू नका.