द रॅकेटिअर

द रॅकेटिअर ....जॉन ग्रिशम 

अनुवाद..अशोक पाथरकर 

मेहता पब्लिशिंग हाऊस

अमेरिकेच्या इतिहासात चार न्यायाधीशांचे खून झालेले असतात .त्यात जज फॉसेट यांचा ठावठिकाणा लागत नाही तेव्हा सगळेच हादरतात .दोन दिवसांनी त्याचा मृतदेह जंगलातील कॅबिनमध्ये आढळतो.बाजूला त्यांची सेक्रेटरी ही मृतावस्थेत असते आणि तिजोरी उघडी असते.

माल्कम बॅनिस्टर फेडरल तुरुंगात दहा वर्षांची शिक्षा भोगत असतो.त्याने न केलेल्या गुन्ह्याची शिक्षा भोगतोय तो. त्यातील पाच वर्षे संपली आहेत.जज फॉसेटचा खून कोणी केलाय ते त्याला माहितीय पण त्यासाठी अमेरिकेच्या कायद्यातील कलम 35 चा आधार घ्यायचे ठरविले आहे.हे कलम वापरून तो स्वतःची सुटका करून घेऊ शकेल.पण त्यासाठी त्याने जज फॉसेटचा खुनी कोण हे पुराव्यानिशी सांगितले पाहिजे.

एफबीआय माल्कमच्या सर्व अटी मान्य करते तेव्हा माल्कम खुन्याचे नाव सांगतो.त्या खुन्याला अटक होऊन त्याच्यावर खटला सुरू होतो आणि माल्कम साक्षीदार संरक्षण योजनेखाली नवीन नाव ओळख घेऊन तुरुंगाबाहेर पडतो आणि एफबीआयच्या डोळ्यात धूळ फेकून फरार होतो.

काय आहे माल्कमची खरी योजना ? खरेच त्याने जज फॉसेटच्या खऱ्या खुन्याचे नाव सांगितले आहे ? एक अतिशय काळजीपूर्वक आणि दीर्घकाळ आखलेली योजना खरेच यशस्वी होईल.

सत्य काय आहे हे कळताच आपणही हादरून जातो.