डब्बा कार्टेल

Dabba Cartel

डब्बा कार्टेल 

विवा लाईफ सोसायटी शहरातील उच्चभ्रू सोसायटी.तिकडचे बहुतेक रहिवासी विवालाईफ फार्मामध्ये कामाला आहेत. सध्या विवालाईफ फार्माचा मॉडेला ड्रग संशयाच्या नजरेत आहे. 

एक ड्रग इंस्पेक्टर पाठक विवालाईफच्या ड्रगचा तपास करत आहे. एक तरुण पोलीस इंस्पेक्टर प्रीती त्याच्या सोबतीला आहे. 

राजी विवालाईफमध्ये राहते.तिचा नवरा विवा फार्मामध्ये कामाला आहे.तो जर्मनीला स्थायिक होण्याची स्वप्न बघतोय. राजीचा टिफिनचा व्यवसाय आहे.ती काही लोकांना टिफिनमधून स्पेशल पावडर देते.सेक्स पॉवर वाढवायची पावडर आहे असे ती सांगते. विवालाईफमध्ये मोलकरणीचे काम करणारी माला तिला टिफिनसाठी मदत करते. तिचा मित्र तिला ब्लॅकमेल करून कोकेन विकायला देतो.  शाहिदा नावाची ब्रोकर ते कोकेन पकडते. पण ते साधारण चाळीस लाखाचे कोकेन मालाच्या हातून नष्ट होते .आता त्या कोकेनसाठी मालाचा मित्र मारला जातो आणि त्याचा बॉस चव्हाण राजी माला च्या मागे लागतो.

त्याचवेळी बा उर्फ शैला त्यांच्या मदतीला येते. शैला राजीची सासू आहे. ती एकेकाळी ड्रग कार्टेलमध्ये होती.ती राजी माला आणि शाहिदाला घेऊन टिफिनच्या माध्यमातून ड्रग पोचवते.

विवा फार्मा आपला संशयित माल मॉडेला सगळ्या गोडावूनमधून नष्ट करते पण एका गोडावूनमध्ये एक लॉट शिल्लक असतो .राजीचा नवरा तो लॉट गोडावूनमधून काढतो पण प्रीती त्याच्या पाठलागावर आहे म्हणून तो माल सोसायटी आणतो.

शैला जमा झालेले पैसे वरुणाकडे आणते. वरूणा एके काळी विवा फार्मामध्ये होती आत्ता तिचा नवरा तिथे मुख्य अधिकारी आहे. वरूणाचे सितारा नावाचे ब्युटीक कर्जात आहे . ती ते पैसे कर्ज फेडण्यासाठी वापरते.

चव्हाण पुन्हा पैश्यासाठी शैलाच्या मागे लागतो .वरूणा त्यांना मॉडेलाच्या गोळ्यातून नवीन ड्रग बनविण्याची कल्पना मांडते. आणि सर्व मिळून सोसायटीत लपवलेला मॉडेलाचा लॉट चोरतात आणि त्यापासून नवीन ड्रग तयार करतात.

आता मार्केटमध्ये तेच ड्रग फेमस झालेय.चव्हाणचे कोकेन कोणी घेत नाही आणि चव्हाणचा बॉस चिकू याला सर्व माहीत झालंय.

राजीच्या डोहाळ जेवण समारंभाला चिकू शैला ,राजी, माला, वरूणा आणि शाहिदाला उचलून आपल्या फार्म हाऊसवर आणतो आणि आपली योजना त्यांच्यासमोर मांडतो.

स्वतःचा आणि कुटुंबीयांचा जीव वाचविण्यासाठी सर्वाना ती योजना मान्य करण्यावाचून पर्याय  नसतो.

पाठक आणि प्रीती मीडियाला सर्व पुरावे देऊन विवा फार्माला उघडे पाडतात.

एका साध्या टिफिनचा प्रवास ड्रग ट्रॅव्हलिंगसाठी कसा होतो हे पाहण्यासारखे आहे.

शबाना आझमी शैलाच्या प्रमुख आणि पॉवरफुल भूमिकेत आहे. तिच्या साथीला ज्योतिका ,सई ताम्हणकर आहेत.

नेटफ्लिक्सवर हिंदी भाषेत ही  रोमांचकारी सिरीज आहे.