ऑफिसर ऑन ड्युटी

Officer On Duty

ऑफिसर ऑन ड्युटी

सर्कल इंस्पेक्टर हरिशंकर पुन्हा ड्युटीवर जॉईन झालाय. हरिशंकर उर्फ हरी गरम डोक्याचा आहे. त्याच्या याच गरम स्वभावामुळे मोठ्या मुलीने आत्महत्या केलीय असे त्याची पत्नी गीता समजते. 

चंद्राबाबू बस कंडक्टर . त्याची बायको आजारी म्हणून तो मुलीची सोन्याची चेन विकायला गेला पण ज्वेलर्सने ती चेन खोटी आहे असे सांगितले. हे सर्व प्रकरण हरीकडे आले.त्याने या प्रकरणाची खोलवर चौकशी केली तेव्हा अजून तीन चेन सापडल्या.चंद्राबाबूकडे असलेली चेन खोटी होती हे त्याच्या मुलीने मान्य केले आणि नंतर तीने आत्महत्या केली.

कर्नाटक पोलीस इन्स्पेक्टर जोसेफने ही काही महिन्यांपूर्वी आत्महत्या केली होती. तर हरीच्या मोठ्या मुलीनेही आत्महत्या केली होती. 

थॉमस हा हरीचा सहकारी . त्याने श्यामला संशयित आरोपी म्हणून पकडले होते .श्यामच्या लॅपटॉपमध्ये थॉमसच्या मुलीचे काही व्हिडिओ होते आणि त्यात हरीच्या मुलींचेही व्हिडिओ होते.ते पाहूनच हरी भडकला आणि चौकशीत त्याने श्यामला ठार मारले .पण थॉमसने सर्व आरोप स्वतःवर घेऊन हरीला वाचविले.या प्रकारणामुळेच त्याच्या मुलीने आत्महत्या केली होती.

आज बऱ्याच वर्षांनी थॉमस सुटून आलाय पण तो घरी येताच काही तरुण मुलांनी त्याची आणि बायकोची हत्या केली.ते सर्व श्यामचे मित्र आहेत . त्यांनी श्यामच्या हत्येचा बदला घेतलाय पण हरीनेच श्यामची हत्या केलीय असे त्यांना कळते आणि आता ते हरीच्या मागावर आहेत.

हरी हळूहळू चेन प्रकरणाचे धागे जोडत श्यामच्या मित्रांपर्यंत पोचतो आणि हे प्रकरण अनपेक्षित वळणावर पोचते ज्याची कल्पनाही हरीने केली नाही.

मल्याळम सिनेमात नेहमीच अनपेक्षित धक्के आपल्याला मिळतात.यात हिंसाचार कमी असतो आणि रहस्य जास्त असते . एक चांगला थ्रिलर चित्रपट पाहायचा असेल तर हा चित्रपट नेटफ्लिक्सवर हिंदी भाषेत पहा .