लॉक ग्रिफिन......वसंत वसंत लिमये

लॉक ग्रिफिन......वसंत वसंत लिमये 

लॉक याचा अर्थ तलाव . हा स्कॉटलंड मधील पौराणिक भाषेतील शब्द .तर ग्रिफिन म्हणजे गरुडाचे डोके आणि सिहांचे शरीर लाभलेला प्राणी.अनेकदा येशूची तुलना गरुड आणि सिहाशी केली जाते. 

लॉक ग्रिफिन ही अमेरिकेतील एक गुप्त कमिटी आहे.अमेरिकेच्या दूरच्या भविष्यातील हितसंबंधांचे रक्षण करणे हे त्या कमिटीचे काम.निवृत्त झालेले उच्चपदस्थ सरकारी अधिकारी या कमिटीचे सदस्य .यांची ताकद इतकी अफाट आहे की अमेरिकेचे राष्ट्राध्यक्षही याना सॅल्युट करतात. सध्या लॉक ग्रिफिनला मूळ भीती भारतापासून आहे . भारताचा विकास होणे त्यांना परवडणार नाही.आणि त्यासाठीच त्यांनी ऑपरेशन कोब्रा ही मोहीम आखली होती.

सौभद्र कानिटकर मुंबई आयआयटीत शिकत असताना अचानक त्याला वडिलांच्या खुनाची बातमी देणारा फोन आला. त्यातून तो सावरत नाही तर दोन दिवसांनी त्याचे काका धनंजय आणि काकू नेहा यांचा नैनिताल येथे अपघाती मृत्यू होतो.अमेरिकेत स्थायिक असलेले काका काकू भारतात कधी आले...?? ते नैनितालला कसे गेले ....?? त्यांचा मृत्यू संशयास्पद होता. सौभद्रचे काका सायबर सिक्युरिटीत एक्सपर्ट होते.

नऊ वर्षानंतर सौभद्र आपल्या वडिलांचा खून आणि काका काकूंचा दुर्दैवी अपघात यामागे काय रहस्य आहे त्याचा तपास करण्याचे ठरवितो .त्यासाठी त्याला अमेरिकन मैत्रीण ज्युलिया साथ देते. 

दोघेही रहस्याचा तळाशी पोचतात आणि भयानक सत्य समोर येते.

काय आहे हे सत्य ....?? 

सुरवातीला अतिशय संथपणे चालणारी ही कादंबरी शेवटी एक स्पीड पकडते आणि आपण त्यात गुंतून जातो .