इन्स्पेक्टर ऋषी

इन्स्पेक्टर ऋषी

Inspector Rishi

दक्षिणेतील घनदाट जंगलात एका वन्यजीव फोटोग्राफरची रहस्यमय हत्या होते. त्याच्या संपूर्ण देहावर जाळे विणले गेलेले असते.इन्स्पेक्टर ऋषीची या हत्येचा तपास करण्याची जबाबदारी येते. इन्स्पेक्टर ऋषी धाडसी ऑफिसर आहे.एका चकमकीत त्याने आपला एक डोळा आणि बायको गमावली आहे.

इन्स्पेक्टर ऋषीला मदतीसाठी चित्रा आणि अय्यंगार दिले जातात.जंगलातील वनराची नावाच्या देवीने ही हत्या केलीय असा सर्वांचा समज झालाय.पुढे अश्याच पद्धतीने काही हत्या होतात.आता ऋषींच्या मदतीला फॉरेस्ट ऑफिसरची टीमही आलीय. सत्या हा तरुण फॉरेस्ट ऑफिसर आणि त्याची सहकारी कॅथी  ऋषींच्या मदतीला तयार आहे.

असा कोणता किडा आहे जो पटकन मृतदेहाभोवती जाळे विणतो हे ऋषीला शोधून काढायचे आहे आणि ज्या हत्या झाल्या त्याचा परस्परांशी काय संबंध आहे याचा ही तपास करायचा आहे.

वनराची रात्रीच्या अंधारात बऱ्याच लोकांना दिसते त्यामुळे गावकरी रात्री घराबाहेर पडत नाहीत.

इन्स्पेक्टर ऋषी या प्रकरणाच्या मुळाशी जाईल का ? वनराची तर त्याच्याही मागे आहे. 

ह्या हत्यांच्या मागे कोण आहेत ??

प्राईम व्हिडिओवर ही दहा भागांची हिंदी मालिका आपला श्वास रोखून धरते.

क्रुक्स

Crooks

क्रुक्स

चार्ली एक हुशार चोर .असे कोणतेही लॉक नाही जो तो उघडू शकत नाही.आता तो सर्व सोडून शांत आयुष्य जगतोय. त्याची बायको प्राण्यांची डॉक्टर आहे आणि एक  छोटा मुलगा आहे.

बर्लिनच्या म्युझियममधून एका जुन्या प्राचीन नाण्याची चोरी होते.  आता संपूर्ण जर्मनीचे माफिया त्या नाण्याच्या शोधात आहे.या सगळ्यात मृत्यूशय्येवर असलेला बिग बॉसही आहे.बिग बॉस मेल्यावर त्याची संपत्ती आणि खुर्ची कोणाला मिळेल याची उत्सुकता त्याच्या भावाला आणि इतरांना आहे.पण त्याने आपली संपत्ती आपल्या अनौरस मुलाच्या जोसेफच्या नावावर केलीय .

जोसेफ एक जाडजूड तरुण. ज्याला या प्रकरणात अजिबात रस नाही.तो फक्त बिग बॉसच्या हॉटेलमध्ये तरुणींना आणायचे आणि नेण्याचे काम करतोय.सर्व जण त्याला हसतात ,मूर्ख समजतात.

ते नाणे चोरांनी आता एका तिजोरीत ठेवले आहे.एक माफिया टोळी चार्लीवर  दबाव टाकून ती तिजोरी फोडायला भाग पडतात . त्यांना ते नाणे बिग बॉसच्या भावाला द्यायचे आहे. नाणे आणायला जोसेफची निवड होते.जोसेफ चांगला ड्रायव्हर आहे.

जोसेफ ,चार्ली आणि इतर तिजोरीतून नाणे पळविण्यासाठी एकत्र येतात .नाणे चार्लीच्या हातात येते पण शत्रूला त्याची खबर लागते.ते चार्ली आणि जोसेफच्या पाठी लागतात . ते नाणे जोपर्यंत चार्लीकडे आहे तोपर्यंत त्याचे कुटुंब सुरक्षित आहे.

चार्ली त्या नाण्याच्या बदल्यात आपल्या कुटुंबाला वाचवेल का ??

नेटफ्लिक्सवर ही मूळ जर्मन सिरीज हिंदी भाषेत आहेत.पहिल्या भागापासून अतिशय वेगवान असलेली सिरीज आपल्याला नक्कीच गुंतवून ठेवते.

द वॉक

The Walk

द वॉक

स्वप्न प्रत्येकजण पाहतो .काहींची स्वप्ने अशक्य असतात त्यामुळे ती स्वप्नच राहतात पण काहीजण अशक्य स्वप्नच पूर्ण करण्याचा प्रयत्न करतात त्यासाठी कोणत्याही थराला जाऊ शकतात. 

फिलिप पेटीट्स त्यातीलच एक स्वप्नवेडा तरुण. फिलिप मुळात फ्रान्सचा .त्याला तारेवरून चालायचे वेड आहे.जिथे दोन झाडे की तो दोरी बांधून त्यावरून चालायचा .पापा रुडी हे सर्कशीतील प्रसिद्ध नाव. फिलिप पापा रुडीच्या हातापाया पडून त्यांचा शिष्य झाला .

असेच तारेवरून चालताना त्याला अँनी भेटली. एक दिवस दातांच्या डॉक्टरकडे गेला असताना त्याला न्यूयॉर्क शहरात बांधण्यात येणाऱ्या ट्वीन टॉवरची बातमी दिसली आणि त्या दोन टॉवरच्या टोकावर तार बांधून त्यावरून चालायचे. पण हे इतके सोपे नव्हते . 1974 साली दोन्ही टॉवरचे काम पूर्ण होत आले होते.

फिलिपने एक टीम तयार केली . दोन्ही टॉवरची अनेक वेळा वेगवेगळ्या वेशात पाहणी केली.तार कशी बांधायची हे पापा रुडीकडून शिकून घेतले .

फिलिप एक अशक्य अशी गोष्ट करतोय. त्याला फक्त  त्याचे मित्र साथ देतायत. हे साहस तो पूर्ण करेल का ??

एका अलवियाचे अचंबित करणारे अशक्य असे साहस तुम्हाला श्वास रोखून ठेवायला लावेल. तुम्ही फिलिपच्या निडर आणि आत्मविश्वासाने भरलेल्या स्वभावाच्या प्रेमात पडाल.

चित्रपट सत्यघटनेवर आधारित आहे.नेटफ्लिक्सवर हिंदी भाषेत आहे.

द वेडिंग गेस्ट

The Wedding Guest

द वेडिंग गेस्ट

जय वेगळ्या पासपोर्टने पाकिस्तानात आलाय. तिथे समीराचे लग्न होणार आहे.समीराचा मित्र म्हणून त्याने तिथे प्रवेश केलाय.आता तो समीराची वाट पाहतोय. समीरा ही ब्रिटिश नागरिक आहे. तिचे लग्न पाकिस्तानात होतेय.जय समीराच्या घरात घुसून तिचे अपहरण करतो त्यात सिक्युरिटी गार्ड मारला जातो.

समीरला गोव्यामार्फत पुन्हा इंग्लंडला घेऊन जाण्याचे जयचे प्लॅनिंग आहे.खरे तर जय पक्का व्यावसायिक आहे. समीराला दिपेशच्या ताब्यात देणे हेच त्यांचे काम आहे.त्यासाठी त्याने पुरेसे पैसे घेतले आहेत.दिपेश त्यांना दिल्लीत भेटणार असे ठरलेले असते .पण सिक्युरिटी गार्डच्या हत्येमुळे दिपेश घाबरतो.दिपेशचा घराचा हिऱ्यांचा बिझनेस आहे.तो  समीरावर प्रेम करतो.

पण आता दिपेशला समीराशी संबंध ठेवायचे नाहीत.तो पुन्हा जयला पैसे देऊन समीराला पाकिस्तानात सोडायला सांगतो.

जय पुन्हा समीराला पाकिस्तानात सोडेल ?? समीरा त्याच्यासमोर एक प्रस्ताव ठेवते. तो प्रस्ताव जय स्वीकारेल का ?? 

एक मोठा प्रवास जो तुम्हाला पाकिस्तान दिल्ली जयपूर गोवा असे फिरवतो .

राधिका आपटे ,देव पटेल, जिम सारभ हे  तीनच प्रमुख कलाकार चित्रपटात आहे.शेवटी चित्रपट एका रहस्याकडे वळतो .

नेटफ्लिक्सवर हा चित्रपट हिंदी भाषेत आहे .

Beverly Hills Cop (1984 )

Beverly Hills Cop (1984 )

बेवरली हिल्स कॉप

एक्सेल फोलि डेट्रोईट शहराचा तरुण उत्साही धाडसी पोलीस ऑफिसर .आज बर्याच वर्षांनी त्याचा बालपणीचा मित्र मायकेल उर्फ मिकी त्याला अचानक भेटायला आलाय. खरे तर मिकी चोर आहे .तुरुंगात अनेक वर्षे होता . आताही त्याने काही हजाराचे बॉण्ड चोरून आणले आहेत. तो जिथे गार्ड म्हणून काम करतो त्या मालकाचे ते बॉण्ड आहेत असे सांगतो.एक्सेल आणि मिकी रात्री फिरायला बाहेर पडतात आणि नशेत घरी येतात.अचानक दोन व्यक्ती एक्सेलला जखमी करतात आणि मिकीला गोळी घालून ठार करतात.

एक्सेलचा बॉस त्याला ही केस देत नाही म्हणून एक्सेल स्वतः सुट्टी घेऊन या प्रकरणात लक्ष घालायचे ठरवितो.ह्या प्रकरणाची मुळे बेवरली हिल्समध्ये दडलेली आहेत म्हणून एक्सेल तिथे दाखल होतो.

योगायोगाने त्याची आणि मिकीची मैत्रीण तिथल्या आर्ट गॅलरीत कामाला आहे .आणि ती मिकीच्या मालकाला व्हिक्टरला ओळखते.एक्सेल त्याला भेटून मिकीची चौकशी करतो पण व्हिक्टरची माणसे त्याला ऑफिसबाहेर फेकून देतात. पोलीस ही त्याला सहकार्य करीत नाहीत उलट त्याच्या मागावर जॉन आणि बिलीला नेमले जाते.

पण एक्सेल आपल्या अंगभूत गुणाने बिली आणि जॉनला आपल्या बाजूने वळवितो आणि या प्रकरणाच्या मूळाशी कसा पोचतो हे बघण्यासारखे आहे.

एडी मर्फीची बेवरली हिल्स कॉप ही तीन भागाची चित्रपट सिरीज अतिशय गाजलेली आहे. एडी मर्फीने विनोदी ढंगाने यात एक्सेल फोलि साकारला आहे. चित्रपट पाहताना नसिरुद्दीन शहाच्या जलवा चित्रपटाची आठवण येते .

चित्रपट नेटफ्लिक्सवर हिंदी भाषेत आहे.