द गन्स ऑफ नॅव्हारन ...अँलिस्टर मॅक्लिन
अनुवाद.…..अशोक पाध्ये
मेहता पब्लिशिंग हाऊस
दुसऱ्या महायुद्धवर अनेक पुस्तके लिहिली गेली अनेक चित्रपट निघाले . त्या महायुद्धाच्या पार्श्वभूमीवर लेखकाने एका घातकी मोहिमेवर हे पुस्तक लिहिले . त्यावर नंतर चित्रपटही बनविला गेला.
तुर्कस्थानजवळील खेरोस या छोट्या बेटावर बाराशे ब्रिटिश सैनिक अडकून पडले होते . काही दिवसांनी या सैनिकांना जर्मन सेनेने मारून टाकले असते.
खेरोस बेटावर जाताना नॅव्हारन गाव पार करून जावे लागणार होते . ते गाव जर्मनीच्या ताब्यात होते .नॅव्हारान गावातील किल्यात दोन महाकाय तोफा समुद्राच्या दिशेने तोंड करून उभ्या होत्या. त्यामुळे कोणतीही बोट अथवा विमान नॅव्हारन पार करून खेरोसला पोचू शकत नव्हते .
ब्रिटिशांनी नॅव्हारनच्या तोफा उध्वस्त करायची योजना आखली. पण ते फार कठीण होते. जर्मन आणि इटली सैन्याचा कडेकोट बंदोबस्त असलेल्या किल्यात शिरणे सोपे नव्हते . किल्याच्या एका बाजूला सरळसोट कडा होता . जो कोणत्याही गिर्यारोहकाला चढून जाणे शक्य नव्हते .त्यामुळे तिथून कोणी येणार नाही याची खात्री जर्मनाना होती.
कॅप्टन किथ मॅलरीला या मोहिमेसाठी निवडले गेले . किथ हा उत्कृष्ट गिर्यारोहक होता . युद्धाआधी त्याने न्यूझीलंड येथील अनेक शिखरांवर यशस्वी चढाई केली होती . घातपाती युद्धात तो निपुण होता . त्याच्या जोडीला अजून चार माणसे देण्यात आली .जी आपापल्या कामात तरबेज होती.
आता कॅप्टन किथ मॅलरीला या चार सैनिकांना सोबत घेऊन कोणाच्याही मदतीशिवाय तो सरळसोट कडा ओलांडून नॅव्हारनच्या तोफा नष्ट करायच्या होत्या .त्याचवेळी जर्मन सेना ही खेरोस बेटावर हल्ला करायच्या तयारीला लागले होते .ब्रिटिश आरमारही आपल्या सैनिकांना सोडविण्यासाठी निघाले होते. ते नॅव्हारनच्या तोफेसमोर येण्याआधीच मॅलरी आणि त्याची टीम त्या नष्ट करतील का ..??
एक थरारक रोमांचकारी अनुभव
द गन्स ऑफ नॅव्हारन हा चित्रपट 1961 साली प्रदर्शित झाला होता . त्यात सुप्रसिद्ध अभिनेता ग्रेगरी पॅकने कॅप्टन किथ मॅलिरी ची भूमिका केली होती .
No comments:
Post a Comment