काळेकरडे स्ट्रोक्स... प्रणव सखदेव

काळेकरडे स्ट्रोक्स... प्रणव सखदेव

रोहन प्रकाशन 

काहीजण कथा कादंबरी लिहितात त्यातून त्यांना नेमके काय सांगायचे असते ते कळत नाही . साधारणतः प्रत्येक पुस्तकात काहीतरी एक सूत्र असते आत्मचरित्रात संघर्ष असतो ,चरित्रात थोरांविषयी माहिती असते. कादंबरीत कथा असते.पण एखाद्याच्या आयुष्यात काही वेगळे घडत नसेल तो त्याचे आयुष्य त्याला हव्या त्या पद्धतीने जगत असेल तर तो कादंबरीचा विषय होऊ शकतो का ...??

नेमके हेच काळेकरडे स्ट्रोक्स या कादंबरीत आहे .

यातील नायक  कॉलेजच्या पहिल्या वर्षात शिकणारा कोवळा तरुण .ज्याला फिल्म डायरेक्टर बनायचे आहे आणि त्यासाठी त्याने रुईया कॉलेजमध्ये मासकॉमला ऍडमिशन घेतलीय. त्याचे आईवडील मध्यमवर्गीय.. डोंबिवलीत राहणारे . हा कॉलेजचे लेक्चर कधीच अटेंड करताना दिसत नाही.हा रुईयाच्या कट्ट्यावर आपला अंध मित्र आणि त्याच्या मैत्रिणीसोबत असतो . हा तिथे  त्याच्या बुथवर  सिगारेट  पीत बसलेला असतो. संध्याकाळी  चायनीज गाडीच्या पाठीमागे काळोखात दारू पितो.

आईबाप त्याला जेव्हाजेव्हा उपदेश करायला जातात तेव्हा तो त्यांच्याशी भांडून बाहेर पडतो .तो बापाच्या खिशातील पैसे चोरतो.त्या पैशांनी दारू पितो सिगारेट ओढतो .

पुढे त्या अंध मित्राचे अपघातात निधन  होते तेव्हा हा त्याच्या मैत्रिणीला मानसिक आधार देतो .तिच्यासोबत दारू पितो सिगारेट ओढतो .एका गाफील क्षणी दोघात संभोग घडतो .मग ती त्याच्यापासून दूर निघून जाते आणि तो पश्चातापाने जळत राहतो. पुढे त्याला दुसरा मित्र भेटतो . तो त्याला गांजाची सवय लावतो .वेश्यांची  ओळख करून देतो . त्याचवेळी त्याला दुसरी मैत्रीण भेटते .ती एका आजाराने त्रस्त झालेली असते तरीही तिला दारू सिगारेट चे आकर्षण असते . हा तिच्यासोबत डॉक्टरकडे जातो .तिच्या सोबत असतो .

हे सगळे चालू असतानाच अंध मित्राची मैत्रीण पुन्हा त्याला भेटायला बोलावते .त्याला भेटल्यावर ती आत्महत्या करते. पुन्हा हा वेडापिसा होतो . दारू पितो गांजा ओढतो आणि त्या नशेत आपल्या मैत्रिणीला भर लेक्चरमधून हात पकडून जेन्ट्स टॉयलेट मध्ये नेतो . तिथे दोघेही नको त्या अवस्थेत सापडतात . सर्व न्यूज पेपरमध्ये बातमी येते . त्याला कॉलेजमधून काढून टाकतात .पुन्हा घरी भांडण करतो तेव्हा बाप याला घराबाहेर काढतो हा घराबाहेर पडताना कपाटातील लॉकरमधून पैसे चोरतो आणि हिमालयात निघून जातो .

त्यानंतर एकदम तो फिल्म डायरेक्टर बनूनच रुईयाच्या कट्ट्यावर येतो.बोलण्यातून कळते की याच्या दोन तीन फिल्म विविध फेस्टिवलमध्ये दाखविल्या जातात .पुन्हा तो आपल्या मैत्रिणीला शोधून काढतो .

संपली गोष्ट 

यात इतका तरुण मुलगा मोठ्यांसारखा गोंधळलेला अलिप्त कसा राहतो. तो नेहमी मैत्रिणीसमोर सिगारेट गांजा कसा ओढू शकतो .त्यांची घरे नेहमी रिकामी कशी असतात  सेक्स त्यांच्यासाठी इतका सहज सोपा कसा असू शकतो .इतके सगळे घडूनही त्याचा डायरेक्ट बनण्याचा प्रवास  एक दोन ओळीत कसा मांडला जातो .

एका तरुणांचा वाईट मार्गावरचा प्रवास असेच या पुस्तकाच्या बाबतीत म्हणू शकतो