स्क्रीम फॉर मी....करेन रोझ

स्क्रीम फॉर मी....करेन रोझ

अनुवाद....दीपक कुलकर्णी 

मेहता पब्लिकेशन

त्याने आपल्या बळीची निवड काळजीपूर्वक केली होती.ठार मारण्यापूर्वी त्याने तिला मनमुराद उपभोगले होते. मग तिला तपकिरी रंगाच्या ब्लॅंकेटमध्ये गुंडाळून दिवसा अगदी सहजपणे सापडेल अश्या ठिकाणी नेऊन टाकले होते.त्याचा हा डाव यशस्वी झाला . डटन जॉर्जिया येथील वार्षिक क्रॉस कंट्री सायकल स्पर्धेतील शेकडो सायकलपटू या रस्त्यानेच जाणार होते आणि त्यातील अनेकजण हे दृश्य पाहणार होते.

बरोबर तेरा वर्षांपूर्वी डटन जॉर्जिया येथे असाच एक खून झालाय.मृत तरुणीची जुळी बहीण अँलेक्स अजूनही त्या धक्क्यातून सावरली नाहीय. तिच्या समोर आईने गोळी झाडून आत्महत्या केली होती. मावशीने सावत्र बापाच्या तावडीतून तिची सुटका केली होती .

आज तेरा वर्षांनी तिची सावत्र बहीण बेली गायब झालीय असा तिला फोन आला आणि म्हणून ती घाईघाईने  डटन जॉर्जिया इथल्या घरी निघाली होती. तिच्या सावत्रबहिणीला एक सहा वर्षाची मुलगी ही आहे हे तिला आजच कळले होते.

स्पेशल एजंट डॅनियल याची या केससाठी नेमणूक झालीय. डॅनियल मुळातच डटनचा रहिवासी आहे .आठवड्यापूर्वीच त्याच्या आई वडिलांचा मृत्यू झालाय आणि त्यांच्या अंत्यसंस्कारासाठी तो आला होता .

तेरा वर्षांपूर्वी घडलेल्या घटनेची पुनरावृत्ती आता घडणार का ...?? कोण करतोय हे खून ...?? का ?? कशासाठी ...??? अलेक्सचा या खुनाशी काय संबंध आहे ?? डॅनियलचा छोटा भाऊ सायमन ज्याला डॅनियलने स्वतःच्या हाताने ठार मारलाय त्याचा या खुनाशी काही संबंध आहे का ....?? की तेरा वर्षांपूर्वी घडलेल्या खुनाच्या घटनेत सायमनचा प्रमुख सहभाग आहे ..??

या प्रकरणात गावातील काही प्रतिष्ठित व्यक्ती ही गुंतल्या आहेत.आणि खुन्याची नजर आता अलेक्सकडे वळली आहे .