द सिमीऑन चेंबर.....स्टीव्ह मार्टिनी
अनुवाद....जयवंत चुनेकर
मेहता पब्लिशिंग हाऊस
खरे तर सॅम बोगार्डसला वकिलीपेक्षा इतिहासातील गूढ कागदपत्रे शोधायचीच आवड होती. आणि म्हणूनच जेनिफर डॅवीज या सुंदर तरुणीच्या बेपत्ता पित्याची केस त्याने आवडीने स्वीकारली.तिने काही जुनी चर्मपत्रे यानिमित्ताने त्याच्या हवाली केली होती.आपला प्राध्यापक मित्र निक जॉर्गनसन याच्या साहाय्याने ती चर्मपत्रे अस्सल असण्याची खात्री करून घेतली .ती चर्मपत्रे फ्रान्सिस ड्रेक याच्याशी संबंधित होती. कोण आहे हा फ्रान्सिस ड्रेक ..??
फ्रान्सिस ड्रेक हा सोळाव्या शतकातील समुद्री चाचा होता . त्याला इंग्लंडच्या राणीचा आश्रय होता आणि आपल्या लुटीचा प्रचंड हिस्सा घेऊन एका गलबतातून निघाला पण ते गलबत समुद्रात बुडाले. पण त्याने आपल्या प्रत्येक मोहिमेची माहिती व्यवस्थितपणे एका वहीत लिहून ठेवली होती . त्यालाच ड्रेक जर्नल असे नाव पडले होते.
17 एप्रिल 1906 रोजी मारिन काउंटी कॅलिफोर्निया येथील तुरुंगात कैदी अर्ल ह्युबरला योगायोगाने आपल्या अंधारकोठडीत एक भुयार सापडले . त्या भुयारातून पलायन करताना दुसऱ्या टोकाला त्याच्या अंगावर सोने चांदी मौल्यवान रत्ने याचा वर्षाव झाला आणि त्याखालीच तो गाडला गेला .
या सर्व घटनांचा सॅमच्या हातातील चर्मपत्रांशी संबंध आहे .कारण त्यासाठीच त्याची प्रेमिका आणि सहाय्यक पॅट हीच निर्घृणपणे खून झालाय. खुद्द सॅमवर ही भयानक जीवघेणा हल्ला झालाय.
कोणीतरी त्या चर्मपत्रांच्या मागे आहे. जे आडवे येतील त्यांना ठार मारले जातेय. सॅम निक आणि जेनिफर या रहस्याचा शोध घेतील का ...?? जेनिफरच्या वडिलांचा याच्याशी काय संबंध आहे ??? ते खरोखरच बेपत्ता झालेत का ....??
एक उत्कंठापूर्ण थरारक रहस्यकथा
No comments:
Post a Comment