चॅनल 4 लाईव्ह ...समीरण वाळवेकर

चॅनल 4 लाईव्ह ...समीरण वाळवेकर

ग्रंथाली प्रकाशन 

चॅनल 4 हे भारतातील प्रमुख न्यूज चॅनल. सलील चौधरी हा चॅनल 4 चा धाडसी तरुण पत्रकार . महाराष्ट्रातील कानोकोपऱ्यात घडणाऱ्या घडामोडी प्रथम चॅनेल 4 वरच आल्या पाहिजेत हेच त्यांचे प्रमुख  काम. महाराष्ट्रातील राजकारणात काय घडामोडी घडतात यावर सलील बारीक लक्ष ठेवून आहे .

मदन पाटील महाराष्ट्राचे मुख्यमंत्री. स्वतःची जागा शाबूत ठेवण्यासाठी ते कोणत्याही पातळीला जायला तयार होते. त्यासाठी त्यांनी आपल्याच मंत्रीमंडळातील काही मंत्र्यांच्या भ्रष्ट्राचाराचे पुरावे विरोधी पक्षाच्या हाती पडतील अशी खेळी खेळली होती.विरोधी पक्ष नेहमीच मुख्यमंत्र्यांना कोंडीत पकडण्याचा प्रयत्न करीत होता पण मुख्यमंत्री त्यांच्या हाती लागत नव्हते.

राज्यात इतरही घडामोडी घडत होत्या. कोकणातील अणुऊर्जा प्रकल्प. गुंडांचे नकली शूटआउट कोट्यातील जागा वाटप ,अश्या अनेक ठिकाणी भ्रष्टाचार चालू होता .

आपल्या विरोधातील लोकांना बाजूना सारून मुख्यमंत्र्यांनी खुर्ची आणि सतत अजून बळकट केली. पण....

कुठेतरी अतिआत्मविश्वास त्यांना भोवला आणि एका साध्या सोसायटीचे प्रकरण त्यांच्या अंगाशी आले.ते उघडकीस आणणारा होता एक साधा मंत्रालयातील सेक्शन ऑफिसर 

दिलेला शब्द पाळला नाही म्हणून या ऑफिसरने अशी काही खेळी केली ज्यामुळे मुख्यमंत्र्यांना राजीनामा द्यावा लागला .

महाराष्ट्रातील राजकारणातील अविश्वसनीय घडामोडी आणि चॅनल 4 चा आतील कारभार दाखवणारी एक सनसनाटी कादंबरी