रन बेबी रन

रन बेबी रन

त्या मेडिकल कॉलेजच्या गच्चीवरून सोफियाने उडी मारली आणि एकच हल्लाकोळ झाला. त्या विद्यार्थिनीने आत्महत्या केलीय हे सिद्ध झाले.

सत्या एक बँक ऑफिसर. त्याचे लग्न ठरलंय. आपल्या होणाऱ्या बायकोसाठी तो गिफ्ट घेऊन गाडीत बसला तेव्हा त्याची नजर मागे लपलेल्या तरुणीवर पडली.त्या तरुणीच्यामागे काही गुंड लागले आहेत आणि तिचा जीव धोक्यात आहे असे तिने सत्याला सांगितले.नाईलाजाने सत्या तिला सर्वांच्या नजरेपासून लपवून घरी घेऊन आला.ती त्याच्याकडे रात्रभर राहिली.बोलताना तिने अनाथ आहे असे सांगितले.

सकाळी सत्याने पाहिले तेव्हा ती बाथरूममध्ये मरून पडली होती.त्याच्या इन्स्पेक्टर मित्राने तिच्या बॉडीची व्हिलेवाट लाव असा सल्ला सत्याला दिला.नाईलाजाने सत्याने तिचे शव मोठ्या बॅगेत भरले आणि ती बॅग डिकीत टाकून शहराबाहेर निघाला.पण रस्त्यात त्याची गाडी बंद पडली.म्हणून एका छोट्या खाजगी वाहनातून तो बॅगेसकट पुढे निघाला. गाडीत त्याच्याबरोबर इतर प्रवासीही होते. रस्त्यात पुन्हा पोलिसांनी ती खाजगी गाडी अडवली .खाजगी वाहनातून व्यवसाय करता येत नाही असे सांगत सत्यासह सर्व प्रवाशाना बाहेर काढून सरकारी वाहतूक गाडीत बसवून दिले. 

सत्या बॅग गाडीत ठेवून त्या बसमध्ये चढला .काही अंतर जाताच त्याला ती खाजगी गाडी दृष्टीस पडली.तो लपून त्या गाडीवर नजर ठेवू लागला .काही वेळाने गाडीच्या ड्रायव्हरला गाडीत ती बॅग दिसली .कुतूहलाने त्याने बॅग उघडली आणि तरुणीचे शव पाहून धक्काच बसला.आपल्यावर खुनाचा आळ येऊ नये म्हणून त्या ड्रायव्हरने तिचे प्रेत स्मशानात नेऊन जाळले.शवाची परस्पर विल्हेवाट लावली गेली हे पाहून सत्याचा ताण हलका झाला आणि तो शांतपणे घरी जाऊन झोपला.

 दुसऱ्या दिवशी सकाळी गावाबाहेरच्या स्मशानात एक अर्धवट जळलेले प्रेत मिळाल्याची बातमी गावभर झाली.सत्या पुन्हा त्या स्मशानात गेला तेव्हा पोलीस तपासणी चालू  होती.पोलीस डॉग त्या खाजगी गाडी पर्यंत गेला.गाडीत बॅग असल्याचे पुरावे पोलिसांना सापडले आणि पोलीस त्या ड्रायव्हरला अटक करायला गेले.पण त्या ड्रायव्हरने घाबरून आत्महत्या केली.

आपल्यामुळे दोन व्यक्ती हकनाक जीवास मुकल्या याची जाणीव सत्याला सतत होत होती. त्याने हे प्रकरण नक्की काय आहे याचा छडा लावण्याचा निर्णय घेतला.त्याच्या इन्स्पेक्टर मित्रालाही धमक्या येऊ लागल्या.त्याने आपली ट्रान्स्फर दुसऱ्या शहरात करून घेतली.

सत्या पुरावे शोधण्यास सुरवात.त्या तरुणीचे नाव तारा असल्याचे कळते. हळूहळू तो रहस्याच्या मुळाशी जातो आणि अनपेक्षित सत्य सामोरे येते.

कोण आहे तारा ?? तिचा सोफियाच्या आत्महत्येशी काय संबंध आहे ? तिच्या जीवावर कोण उठले आहे?? या सर्व प्रश्नांची उत्तरे आपल्याला चित्रपटाच्या शेवटीच मिळतील.

चित्रपट हॉटस्टार वर आहे