एन्ड गेम ......मॅथ्यू ग्लास

एन्ड गेम ......मॅथ्यू ग्लास
अनुवाद ...... उदय कुलकर्णी
मेहता पब्लिकेशन
युगांडातील एक हॉस्पिटलवर लॉर्ड रेझिस्टन्स आर्मी  हा दहशतवादी ग्रुप हल्ला करतो. त्यात अमेरिकेचे 32 नागरिक मारले जातात . यावर कारवाई करण्यासाठी अमेरिका योजना आखते पण त्यासाठी चीनच्या प्रभावक्षेत्रातील भागात लष्कराचा तळ ठोकायला चीन विरोध करतो . अमेरिकेच्या शेयरबाजारात खूप उलाढाली घडतात . अमेरिकेच्या अर्थव्यवस्थेत चीनची लाखो करोडोंची गुंतवणूक आहे . त्यामुळे अमेरिकेच्या अर्थव्यवस्थेत चीन उलथापालथ घडवू शकतो . आता या दोन महासत्तांमध्ये संघर्ष उभा राहिला आहे . दोन्ही देशांच्या युद्धनौका समोरासमोर उभ्या राहिल्या आहेत.एकमेकांशी संबंध नसलेल्या या घटना पण दोन महासत्तांमध्ये होणारे राजकारण घडवते आहे . जग महायुद्धाच्या कड्यावर उभे आहे फक्त पहिली गोळी झाडली की महाभयंकर घटनांची मालिकाच सुरू होईल .
मॅथ्यू ग्लास हे टोपणनाव असून लेखक अज्ञात आहे . तो कोणीतरी आतल्या गोटातील माणूस असावा असे बोलले जाते .त्यामुळे तो खरे नाव जाहीर करू शकत नाही . आणि ते इंग्लंडमध्ये अज्ञात स्थळी राहतात .