द बेस्ट लेड प्लॅन्स ... सिडने शेल्डन
अनुवाद...अनिल काळे
श्रीराम बुक एजन्सी
स्त्रीचा सूड किती योजनाबद्ध आणि भयानक असू शकतो हे आपल्याला लेस्ली स्टुअर्ट या युवतीमुळे कळते.ज्याच्यावर आपण जीवापाड प्रेम केले त्याच्यासाठी केंटूकीच्या गव्हर्नरपदाच्या शर्यतीत प्रचार मोहीम राबवली. त्याने लग्नाच्या पंधरा दिवस आधी आपल्या जुन्या मैत्रिणीशी लग्न केले तेही हिला कोणतीही पूर्वसूचना न देता......???
ऑलिव्हर रसेल हा तिचा प्रियकर साधा वकील आहे पण एका बलाढ्य सिनेटरच्या मुलीशी लग्न करून तो भविष्यात अमेरिकेचा राष्ट्राध्यक्ष बनायची स्वप्ने पाहतोय . त्यासाठी त्याला त्याचा सासरा मदत करतोय. त्याचे सासरे एक बलाढ्य उद्योगपती आणि सिनेटर आहेत . आपल्या मुलींसाठी ते काहीही करू शकतात .
त्याने केलेल्या विश्वासघाताने लेस्ली अंतर्बाह्य पेटून उठली आणि तिने योजना आखून ह्याचा सूड घ्यायचे ठरवले . त्यासाठी काही ठराविक गोष्टींची तिला आवश्यकता होती . त्या तिने कशा मिळवल्या..?? एका साध्या पण हुशार मुलीने शांतपणे हळू हळू त्याच्या मानेभोवती पाश कसे आवळले ..?? ते पुस्तक वाचूनच कळेल .मुळात या कादंबरीत केवळ चारच मुख्य पात्रे आहेत त्यामुळे कादंबरी वाचताना गोंधळ उडत नाही .
Tuesday, March 26, 2019
द बेस्ट लेड प्लॅन्स ... सिडने शेल्डन
Subscribe to:
Post Comments (Atom)
No comments:
Post a Comment