मध्यस्थ... फ्रेडरिक फॉरसिर्थ

मध्यस्थ... फ्रेडरिक फॉरसिर्थ

अनुवाद....लीना सोहोनी 

ऑक्सफर्डच्या रस्त्यावरून सकाळी पळण्याचा सराव करीत असताना  सायमन कॉरमॅकचे अपहरण झाले आणि पूर्ण जग हादरले. सायमन हा अमेरिकेचे राष्ट्राध्यक्ष जॉन कॉरमॅकचा मुलगा होता. ब्रिटिश गुप्तहेर आणि अमेरिकन गुप्तहेर मिळून सुमारे शंभर लोक त्याच्या संरक्षणासाठी हजर होती.असे असूनही त्याचे अपहरण केले गेले.

त्या अपहरणाच्या वाटाघाटीसाठी जगातील सर्वोत्तम मध्यस्थ शोधला गेला. क्वीन हा आतापर्यंत तरी जगातील सर्वोत्तम मध्यस्थ समजला जात होता .त्याच्यावर हे काम सोपविले गेले.क्वीनने वाटाघाटी आपल्या पद्धतीनुसार केल्या.

शेवटी पुरेशी खंडणी घेऊन  सायमनला एका निर्जन रस्त्यावर सोडून देण्यात आले .ब्रिटिश आणि अमेरिकेन एजंट त्याला ताब्यात घेण्याआधीच एका बॉम्बस्फोटात सायमन मारला गेला.

योग्य खंडणी घेऊनही सायमनचा असा क्रूर मृत्यू का झाला ...??? मुळात छोट्याश्या खंडणीसाठी अमेरिकेच्या राष्ट्राध्यक्षकाच्या मुलाचे अपहरण का केले होते..??

क्वीनने या गोष्टीचा छडा लावायचे ठरविले.तो जसजसा अपहरणकर्त्यांच्या जवळ गेला त्याआधीच त्यांची हत्या झाली होती.

कोण आहे याच्या मागे....?? 

रशियातील तेलसाठे संपत आले आहेत.त्यांची तेलासाठी शेजारच्या राष्ट्रावर नजर आहे. तर अमेरिकेतील धनाढ्य व्यावसायिक सौदीच्या शेखची सत्ता उलथवून टाकण्याच्या प्रयत्नात आहेत.या सर्वांचा सायमनच्या हत्येशी संबंध आहे का....?? क्वीन हे शोधून काढेल का....??

एक थरारक, अंगावर काटे आणणारी कादंबरी