बाळासाहेब ठाकरे हंशा आणि टाळ्या .!

बाळासाहेब ठाकरे हंशा आणि टाळ्या .!

संकलन .....योगेंद्र ठाकूर 

आमोद प्रकाशन 

बाळासाहेब ठाकरेंच्या ७५ व्या वाढदिवसाचे निमित्त साधून त्यांची गाजलेली भाषणे संग्रहित केली आहेत.या सर्व भाषणात त्यांचा मिश्किल स्वभाव ,रोखठोकपणा दिसून येतो. विविध ठिकाणी केलेली सोळा भाषणे  व्यंगचित्रकार म्हणून त्यांची माहिती आणि काही गाजलेली व्यंग्यचित्रे यात समाविष्ट आहेत.

१९८९ साली लोकसभा निवडणुकीत शिवसेना भाजप युतीचे १४ खासदार निवडून आले होते .त्यावेळी त्यांचा सत्कार शिवाजी पार्क येथे संपन्न झाला .त्यावेळी त्यांचा शपथविधी शिवतीर्थावर होईल अशी घोषणा त्यांनी केली.

मार्च १९९५ साली  सेना भाजप युतीचे सरकार सत्तेवर आले. त्याआधी बाळासाहेबांनी अनेक प्रचारसभा घेतल्या.त्यातील नगर तालुक्यातील सोनई गावातील जाहीर सभेत आपले धगधगते विचार मांडले.

१९९७ साली मुंबई महानगर पालिकेच्या निवडणूक प्रचाराची नरेपार्क परेल येथील सभा.त्यावेळी बंडखोर उमेदवारांचा त्यांनी चांगलाच समाचार घेतला .

स्वातंत्रवीर सावरकर स्मारकात  १९९१ शिवसेनेच्या रौप्यमहोत्सवी वर्षात केलेले भाषण.

अशी काही गाजलेली भाषणे ,त्यावेळी त्यांना मिळालेला प्रतिसाद, लोकांच्या उस्फूर्त प्रतिक्रिया आपल्याला अनुभवायला मिळतात.

पाकधार्जिण मुस्लिमाना त्यांनी प्रत्येक भाषणात शिव्या दिल्या तर राष्ट्रप्रेमी मुस्लिमांचा  नेहमीच आदर केला . झोपडपट्टीवासीयाना मोफत घरे  ,मुंबई पुणे चौपदरी रस्ता ही त्यांची स्वप्ने होती आणि वेळोवेळी त्यांनी आपल्या भाषणात या गोष्टींचा उल्लेख केला.

काँग्रेस आणि शरद पवार त्यांचे कट्टर शत्रू ,त्यांनी  त्यांच्यावर नेहमीच तिखट भाषेत टीका केली .

आज काळाआड गेलेली त्यांची भाषणे त्यांचे विचार वाचणे आपल्याला नक्कीच आवडेल.