रोर्सचाच

रोर्सचाच

केरळातील दाट जंगलाजवळील छोट्या गावातील पोलीस स्टेशनमध्ये जखमी अवस्थेत लूक अँथोनी शिरला तेव्हा मध्यरात्र झाली होती. 

त्याने आपल्या गाडीचा अपघात झाला असून आपली गरोदर पत्नी बेपत्ता झालीय अशी तक्रार केली. पोलिसांनी स्थानिकांच्या मदतीने संपूर्ण जंगल चाळून काढले पण चपलाशिवाय त्यांना काहीच सापडले नाही. पोलिसांनी केस बंद केली तरी लुक त्या गावातून हलला नाही तो चिकाटीने तिचा शोध घेत होता.

बालन गावातील एक रहिवासी.तो लूकला मदत करत होता.त्याचा मुलगा अपघातात मरण पावला होता.तर विधवा सून काजूची फॅक्टरी चालवीत होती.त्याला घरी काहीच किंमत नव्हती म्हणून गावाबाहेरचे पडीक घर त्याने लुकला विकले आणि रोख रक्कम घेऊन गाव सोडून गेला.पण दुसऱ्या दिवशी त्याचे प्रेत जंगलात सापडले आणि पैसे गायब होते. 

लूकने हळू हळू बालनच्या घरी जाणे वाढविले.एके दिवशी त्याने बालनच्या विधवा सुनेला लग्नाची मागणी घातली.त्याने तिच्या मनाविरुद्ध स्वतःशी लग्न लावून घेतले .त्यानंतर बालनच्या घरी फूट पाडून काजूची फॅक्टरी बंद केली.

इकडे एका पोलीस अधिकाऱ्याने लूकची माहिती काढण्यास सुरवात केली आणि हाती आलेली माहिती पाहताच तो हादरून गेला.  त्यात त्यालाही आपले प्राण गमवावे लागले. लूकच्या पत्नीलाही त्याचे खरे रूप समजले आणि ती माहेरी निघून गेली .

कोण आहे हा लुक अंथोनी ?? तो आपल्या पत्नीसोबत या छोट्याश्या गावी का येत होता ?? त्याची पत्नी कुठे गायब झाली ?? का ती सापडत नाही ?? बालनचा आणि पोलीस अधिकाऱ्याचा खून कोणी केला ?? 

या सर्व प्रश्नाची उत्तरे हवी असतील तर रोर्सचाच बघायला हवा. एक खिळवून ठेवणारा क्षणाक्षणाला उत्कंठा वाढविणारा चित्रपट हॉटस्टारवर उपलब्ध आहे.

सुपरस्टार मामुटी हा चित्रपटाचा मुख्य नायक आहे.संपूर्ण चित्रपट त्याने व्यापून टाकला आहे.