द प्रोफेशनल

द प्रोफेशनल

1966

एक श्रीमंत जमीनदार  आपल्या अपहरण झालेल्या पत्नीला सोडविण्यासाठी चार प्रोफेशनल व्यक्तींना नियुक्त करतो.चारही व्यक्ती शूर आणि आपल्या कामात तरबेज असतात.

तिला जीजस रझा या क्रांतिकारकाच्या तावडीतून सोडविण्यासाठी ते मेक्सिकोत जातात .खरे तर रझा हा त्यांचा जुना मित्रच असतो . पण ते प्रोफेशनल असल्यामुळे ही कामगिरी स्वीकारतात.

 एक उत्तम योजना आखून ते मेक्सिकोत रझाच्या गावात शिरतात आणि त्यांना वेगळेच दृश्य दिसते.ते आपले काम पूर्ण करतात का ?? त्यासाठी त्यांना काय करावे लागते ? 

हा एक अस्सल वेस्टर्नपट आहे.उजाड वैराण प्रदेश .कडक उन्हाळा त्यात डोक्यावर भली मोठी हॅट आणि तोंडात सिगार ठेवणारे घोडेस्वार .क्षणार्धात बंदूक काढून गोळ्या झाडणारे नायक . तुफान वेगाची घोडेस्वारी ,पाठलाग  हा सर्व मसाला या चित्रपटात पाहायला मिळतो. ली मारविन यात प्रमुख अभिनेता आहे .

चित्रपट नेटफ्लिक्सवर आहे.