सिर्फ एक बंदा काफी है
झी5
जेव्हा आरोपीचा वकील जो माजी केंद्रीय कायदा मंत्रीही होता.सरकारी वकील सोलंकीला सांगतो की आरोपीने खूप शाळा बांधल्या आहेत ,हॉस्पिटल बांधली आहेत.ते मोठे धर्म प्रसारक आहेत.तेव्हा सोलंकी वकील अतिशय शांतपणे आणि आदराने विचारतात शाळा हॉस्पिटल बांधली म्हणून बलात्कार करायचे लायसन्स मिळते का ?
चित्रपट सत्य घटनेवर आहे .कुठेही इतर गोष्टींकडे न जाता डायरेक्ट आपल्याला मूळ घटनेकडे घेऊन जातो .दिल्ली पोलीस स्टेशनमध्ये आई वडील आणि ती तरुण मुलगी शिरते आणि नंतर ती मुलगी आपले स्टेस्टमेंट स्त्री पोलीस ऑफिसरसमोर लिहून देते.स्टेस्टमेंट लिहीत असतानाच त्या स्त्री ऑफिसरचे चेहऱ्यावरील हावभाव बदलत जातात.
नंतर कायद्यानुसार कारवाई सुरू होते. त्या प्रसिद्ध बाबाला अटक करण्यात येते. नेहमीप्रमाणे सरकारी वकिलाला आरोपी आपल्याबाजूने ओढतो पण योगायोगाने ते उघडकीस येते.
पी.सी.सोलंकी हा देवभोळा सभ्य वकील.तो सरकारी वकील बनतो.त्यांच्यापुढे बाबाला कोणत्याही परिस्थितीत जामीन मिळू नये हे मोठे आव्हान आहे. त्यासाठी तो काय काय प्रयत्न करतो आणि कसे विरुद्ध पक्षाचे बेत हाणून पाडतो हे बघण्यासारखे आहे.
तब्बल पाच वर्षे चाललेला खटला .साक्षीदारांचे खून ,जामिनासाठी सुप्रीम कोर्टात चाललेली लढाई पाहून आपण सुन्न होतो.
यात फक्त आणि फक्त मनोज वाजपेयीचा पी.सी.सोलंकी आपल्यासमोर असतो.त्याचा आत्मविश्वास तर कधी डोळ्यातील भय आपल्याला गुंतवून टाकते.तो हिरो नाहीय तर सर्वसामान्य माणूस आहे. पण त्याच्याकडे कायद्याचा प्रचंड अभ्यास आहे.विरुद्ध पक्षाचे प्रत्येक पॉईंट तो कसे खोडून काढतो हे बघण्यासारखे आहे .यात अवास्तव आरडाओरड नाही .कायद्याचा सन्मान केला आहे.
चुकवू नये असा चित्रपट
No comments:
Post a Comment