Searching
Netflix
डेव्हिडची सोळा वर्षाची मुलगी मार्गोट क्लासला जाते असे सांगून गायब होते.डेव्हिड तिला कॉन्टॅक्ट करण्याचा प्रयत्न करतो पण कोणत्याही माध्यमातून तिला कॉन्टॅक्ट होत नाही . ती लॅपटॉप घरीच विसरून गेलेली असते त्यावरून तो तिच्या मित्रांना कॉन्टॅक्ट करतो पण कोणालाही ती कुठे आहे माहिती नसते.शेवटी तो पोलिसांकडे तक्रार नोंदवतो. एक महिला ऑफिसर तिची केस घेते आणि पोलिसांच्या पद्धतीने तिचा शोध घेण्याचा प्रयत्न करते.
तिथे डेव्हिडही घरी बसून गुगल ,फेसबुक ,इन्स्टाग्राम ,जीपीएस आणि इतर सोशल मीडियाच्या माध्यमातून तिचा शोध घेण्याचा प्रयत्न करतो आणि त्याला अनपेक्षित धक्कादायक गोष्टी कळतात .मार्गोट जिवंत आहे का ? असेल तर नक्की कुठे आहे ? तिच्या गायब होण्यामागे नक्की कोण आहे ? याची उत्तरे हवी असल्यास सर्चीग पहावाच लागेल.
हा संपूर्ण चित्रपट कॉम्प्युटरच्या स्क्रिनवर उलगडला गेलाय.युट्यूब विडिओ ,लाईव्ह विडिओ, गुगल सर्च इंजिनचे पेज ,तसेच फेसबुक ,इन्स्टाग्रामच्या पेज स्क्रिनवर दिसत राहतात.सोशल मीडियाचा वापर करून डेव्हिड आपल्या मुलीला कसे शोधतो हे पाहण्यासारखे आहे.
आताच्या सोशल मीडियाच्या जगात वावरणार्यांनी हा चित्रपट नक्कीच पहावा.
No comments:
Post a Comment