( द ममी ऍट द डायनिंग रूम टेबल ) ...जेफरी ए. कोटलर/ जोन कार्लसन

डॉक्टरांनी सांगितलेल्या मनोरुग्णांच्या सत्यकथा
( द ममी ऍट द डायनिंग रूम टेबल ) ...जेफरी ए. कोटलर/ जोन कार्लसन
अनुवाद ........ वसू भारद्वाज
साकेत प्रकाशन

त्याला आपले नाक कापून घ्यायची इच्छा होती कारण त्याला नेहमी गाईच्या गोठ्याचा वास यायचा . पण खरे कारण वेगळेच होते .
त्या एक्केचाळीस वर्षाच्या गृहस्थाला भर गर्दीत लंगोट नेसून फिरण्याची इच्छा होत होती .तो कपडे काढून टाकायचा आणि लंगोट नेसून घराबाहेर पडायचा .
ती नेहमी डॉक्टरकडे उशिरा यायची कारण रस्त्यात पडलेली दगड उचलून घेऊन यायची .तिला वाटायचे तिची आई समलिंगी आहे ,
तिची मावशी हरवली आहे अशी तिची तक्रार होती . काही दिवसांनी तिने सांगितले की मावशीला ममी बनवून ठेवले आहे . ती केव्हाच वारली होती .
या आणि अश्या अनेक आश्चर्यकारक आणि रहस्यमय मनोरुग्णांच्या कथा सांगतायत जागतिक कीर्तीचे तज्ज्ञ. या तज्ज्ञांनी आपल्या आयुष्यात पाहिलेल्या काही गाजलेल्या केसेस सांगितल्या आहेत .यातील प्रत्येक केसवर केलेला प्रयोग कोणत्याही पुस्तकात सापडणार नाही . मानवी मन किती गुंतागुंतीचे आणि किचकट आहे हे दिसून येते .समोरच्याला समजून घेऊन त्यावर योग्य उपाय करणे यातच त्या तज्ज्ञांचे कौशल्य दिसून येते .एक वेगळेच पुस्तक जे मानवी मनाचा ठाव घेते .