लोकमान्य टिळक आणि क्रांतिकारक.. य. दि. फडके
श्रीविद्या प्रकाशन पुणे
देशाच्या स्वातंत्र्यलढ्यात जसा थोर नेत्यांचा हात आहे तसेच अनेक ज्ञात अज्ञात क्रांतिकरकांचाही मोठा सहभाग आहे . त्यांनी आपल्यापरीने ठिकाठीकाणी सशस्त्र उठाव केले . उन्मत्त अधिकाऱ्यांना ठार केले . शास्त्रास्त्रासाठी खजिने लुटले .यातील बऱ्याच क्रांतीकारकांना लोकमान्य टिळकांचा छुपा पाठिंबा होता असे म्हटले जाते . त्यावेळच्या गुप्त पोलीस अहवालात याची नोंद आहे. या पुस्तकात 1897 ते 1920 या काळातील मराठी क्रांतिकारकांनी देशभरात केलेल्या उलाढालीचा इतिहास कागदपत्रांच्या आधारे लिहिला गेला आहे . १८९७ साली चाफेकर बंधूनी रँडचा खून केला . त्यामागे टिळकांचे आशीर्वाद होते असे म्हटले जाते .कोल्हापूरचा शिवाजी क्लब टिळकांना आदर्श मानत होता . तर शाहू महाराज आणि टिळकांच्या अनेकवेळा चर्चा होत होती. योगी अरविंद घोष ही प्रारंभीच्या काळात सशस्त्र क्रांतिकारक होते . तेही बराच काळ टिळकांच्या संपर्कात होते . नंतर ते पोंडेचरीत जाऊन योगी अरविंद बनले .लोकमान्य टिळकांच्या सांगण्यावरूनच नाट्याचार्य कृष्णाजी प्रभाकर उर्फ काकासाहेब खाडिलकर दोन वर्षे नेपाळात वास्तव्य करून होते .शिवाजी क्लबच्या सभासदांच्या सहकार्याने बंदुका तयार करण्याचा कारखाना घालण्याचा त्यांचा प्रयत्न होता . तर बाबाराव आणि तात्याराव सावरकर यांची अभिनव भारत संघटना ही टिळकांचा आदर करीत होती .
No comments:
Post a Comment