असूरवेद.... संजय सोनवणी

असूरवेद.... संजय सोनवणी 

प्राजक्त प्रकाशन

एकूण वेद किती आहेत ....?? एकूण चार वेद आहेत ही पूर्वांपार चालत आलेली कल्पना . आपल्याला तर तेच माहित आहे . पण प्रोफेसर जोशींना एक जुने अतिप्राचीन हस्तलिखित सापडले. प्रो. जोशी हे आंतराष्ट्रीय कीर्तीचे पुरातनतज्ञ आहेत . आतापर्यंत त्यांनी अनेक निबंध सादर केले आहेत . त्यांचा शब्द हा प्रमाण मानला जातो . पण हे अतिप्राचीन हस्तलिखित वाचून  तेही हादरतात. हिंदू संस्कृतीचा अर्थ बदलणारा पुरावा त्यांच्या हाती सापडला आहे याची जाणीव त्यांना होते . काही ठराविक लोकांना ते याविषयी सांगतात आणि नंतर त्यांची गोळ्या घालून हत्या केली जाते . आता ती माणसे त्या रहस्यमय हस्तलिखिताच्या मागे लागली आहेत . त्यासाठी अमेरिकेत राहणाऱ्या त्यांच्या मुलावरही हल्ला केला जातो . त्यांची मुलगी सायली ही  वैष्णलिझमवर phd करतेय .तिच्याही मागावर हल्लेखोर आहेत.गौतम कांबळे नावाचा तरुण इतिहास संशोधक तिच्या मदतीला धावून येतो . प्रो. जोशींनी मरणापूर्वी काही दुवे सोडले आहे . पोलिसही  जोशींना मूर्तीतस्कर ठरवून मोकळे झालेत कारण टेबलावर असलेली असुर वरुणची मूर्ती गायब झालीय असे त्यांचे म्हणणे आहे.पण असुर वरुणच्या अनेक मुर्त्या अस्तित्वात आहेत आणि त्या तितक्या दुर्मिळ नाहीत याची गौतमला खात्री आहे. यामागे नक्की काहीतरी दुवा आहे याची खात्री गौतम सायलीला पटवून देतो आणि ते अज्ञात रहस्याच्या मागावर निघतात . पण जे रहस्य त्यांना कळते ते फारच भयानक आहे. हिंदू संस्कृती बदलून जाईल असे काहीतरी त्यात आहे . हजारो वर्षापासून ते रहस्य उजेडात येऊ नये म्हणून काही संघटना आजही कार्यरत आहेत . एक श्वास रोखून वाचायला लावणारे पुस्तक.