द फुल कबर्ड ऑफ लाईफ .. अलेक्झांडर स्मिथ
अनुवाद ....नीला चांदोरकर
मेहता पब्लिकेशन हाऊस
द नंबर वन लेडीज डिटेक्टिव्ह एजन्सी च्या लेखकाची ही पुढील कादंबरी पण ही पहिल्या पुस्तकाप्रमाणे पकड घेत नाही.
यावेळी मॅडम रामोत्वे आपल्या लग्नाची स्वप्न पाहतायत . त्यांचा भावी पती मि. मातेकोनी मोटर मेकॅनिक आहे . अतिशय साधभोळा गृहस्थ नेहमी अडचणीत सापडलेल्याना मदत करीत असतो .कोणाला नाही म्हणणे त्याला आवडत नाही त्यामुळेच तो नवीन अडचणीत सापडला आहे . अनाथाश्रमासाठी देणगी जमविण्यासाठी त्याने विमानातून उडी मारण्याचा संचालिकेला शब्द दिलाय . अर्थात आपण चुकीचे करतोय हे त्याला माहित आहे . पण त्या संचालिकेला तो नाही म्हणू शकत नाही.
दुसरीकडे मॅडम रामोत्वेला नवीन कामगिरी आलीय . एका धनाढ्य स्त्रीने लग्नासाठी चार पुरुष निवडले आहेत. यातील योग्य पुरुष कोण...?? पैश्यासाठी कोण लग्न करण्यास उत्सुक आहेत..?? हे शोधून काढायची कामगिरी दिलीय . योग्य पुरुषाची निवड करणे थोडी अवघड गोष्ट आहे पण मॅडम रामोत्वे ही कामगिरी नक्कीच यशस्वी करेल .
ही कादंबरी फारशी पकड घेत नाही . कदाचित अवघड उच्चारातील शब्द असतील किंवा अनुवाद करताना जसेच्यातसे शब्द आणि त्याचा तंतोतंत अनुवाद करण्याचा प्रयत्न केला आहे म्हणून असेल . पण वाचक त्यात गुंतून जात नाही . मध्येच कंटाळा येतो आणि पुस्तक बंद करावे लागते . एक लिंक लागत नाही .
No comments:
Post a Comment