द अनटचेबल्स

THE UNTOUCHABLES

द अनटचेबल्स

ही कथा घडतेय १९३० सालात.

अवैध दारूचा धंदा करणारा माफिया डॉन अल कॅपोन शिकागो शहरावर नियंत्रण ठेवून आहे . संपूर्ण पोलीस खाते त्याच्या नियंत्रणात आहे . त्यावेळीच कठोर अधिकारी इलियट नेस याला परिस्थितीवर नियंत्रण आणण्यासाठी पाठविले जाते . मोठ्या धाडसाने मारलेली पहिली रेड  भ्रष्ट अधिकाऱ्यांमुळे फसली आणि नेसचे हसू झाले .

पण एक वृद्ध प्रामाणिक अधिकारी  जिम मालोन त्याच्या मदतीला येतो आणि ते दोघे मिळून एक टीम बनवितात . त्यात एक प्रशिक्षणार्थी पोलीस अधिकारी आहे आणि एक अकाउंटन.

ते सर्व अजून एक रेड मारतात आणि ती यशस्वी होते . त्यानंतर ते कॅपोनच्या मागे लागतात . पण माफिया किंगला हलविणे इतके सोपे नसते . त्याच्या टीम मधील जिम मालोन आणि दुसरा साथीदार याचे निर्घृणपणे मुडदे पाडले जातात . 

शेवटी काय होईल ...?? अर्थात दुष्टांचा नाश आणि सत्याचा विजय याच सूत्राने चित्रपट संपतो . पण तो कसा ...?? हे पाहणे खूपच थरारक आहे .

या चित्रपटाची स्टार कास्ट तगडी होती . रॉबर्ट द निरो अल कॅपोनच्या भूमिकेत होता . हसतमुख समोरच्याला चीड आणणारा क्रूर खलनायक त्याने ताकदीने उभा केला होता . त्याच्या समोर नेसच्या मुख्य नायकाच्या भूमिकेत केविन कॉस्टनर होता तर  जिमी मालोनच्या भूमिकेत शॉन काँन्हेरी .

या चित्रपटातील बरेचसे शॉट बॉलिवूडमध्ये वापरले गेले . विशेषतः तेजाब चित्रपटात अनिलकुमार पायऱ्यांवर धावत जाऊन लहान बाळाला बेबीगाडीसकट अडवतो आणि गुंडाला पकडून देतो . खरे तर या सीनमुळेच अनटचेबल्स भारतात फेमस झाला असे म्हणायला हवे .

या चित्रपटवरून बॉलिवूडमध्ये चित्रपट तयार झाला . त्यात कुमार गौरव आणि शत्रुघ्न सिन्हा होते . नाव आठवत नाही .

1987 साली प्रदर्शित झालेला हा चित्रपट शॉन कॉन्हेरी ला बेस्ट सपोर्ट अक्टरचे ऑस्कर देऊन गेला .

© श्री. किरण बोरकर