अघटित.... संदीप दांडेकर

अघटित.... संदीप दांडेकर 

राफ्टर पब्लिकेशन 

हा एक गूढकथा ,रहस्यकथा संग्रह आहे .काही कथा अस्वस्थ करणाऱ्या आहेत.

विहीर या कथेत  सतेंद्र हा जिल्हाधिकारी विहिरीत पडलेल्या मुलाला वाचविण्याचा प्रयत्न करत असतो. माझा मुलगा जिवंत आहे का ...?? असे रोज विचारणारा बाप एके दिवशी माझा मुलगा मेला का असे विचारतो आणि त्यामागची कारणे ऐकून सतेंद्र सुन्न होतो.

रक्षण या कथेत दोन वाघांची झुंज आहे .त्यांचा संबंध निलेशशी आहे. हे वाघ ज्या गावात आहेत त्या गावातच निलेशचा जन्म झाला होता.पण निलेशला गावविषयी आत्मीयता नाही .योगायोगाने तो पुन्हा गावात आला आणि एक वाघ त्याच्या स्वप्नात आला. नंतर त्या वाघाने निलेश वर हल्ला केला पण अचानक दुसऱ्या वाघाने त्याचे प्राण वाचविले .

लिव्ह इन ही एक वेगळी कथा आहे . गैरसमजातून शत्रू बनलेले दोन मित्र आयुष्यातील उत्तरार्धात एकत्र येतात अशी थोडी वेगळी कथा .

समय नावाची विज्ञानकथा भविष्यकाळातील अंतराळ वसाहतीतील एक मानव भूतकाळात जातो आणि त्याचे परिणाम काय होतात यावर आहे . कथा थोडी किचकट आहे .

खोली ही गूढकथा . अनेक वर्षे बंद असलेल्या वाड्याच्या एका खोलीत प्रवेश केल्यावर काय घडते...?? त्यातून कोणती रहस्य बाहेर येतात ..??

मिती नावाच्या विज्ञानकथेत अजिंक्य गुप्ते हा अंतराळवीर अभिनेत्री दीपिकाला पत्र लिहून आपले अंतराळातील अनुभव सांगतो .

अश्या अजून कथा आहेत. प्रत्येक कथा नाविन्यपूर्ण आहेत .