रहस्य सांकेतिक चिन्हांचे ....सुनील वाईकर

रहस्य सांकेतिक चिन्हांचे ....सुनील वाईकर 

Amazon. in

विक्रमगढ हे सह्याद्रीच्या कुशीत वसलेले छोटे गाव. पूर्वी ते संस्थान होते. पण स्वातंत्र्यानंतर देशात विलीन झाले .व्यंकटराव देसाई हे त्या संस्थानचे वंशज .तीनशे वर्षांपूर्वीचा आपला जुना वाडा सोडून आता ते दुसरीकडे राहतात . जुन्या वाड्याविषयी काही दंतकथा गावात पसरलेल्या आहेत.व्यंकटरावांची आजी अचानक त्या वाड्यातून नाहीशी झाली. म्हणूनच तो वाडा सोडून सर्व दुसरीकडे राहायला आले.

त्या वाड्यात एक आरसा होता. त्यावर अनेक चिन्ह कोरली होती. त्या चिन्हांचे रहस्य आणि अर्थ कोणालाच माहीत नव्हता आणि त्या वाड्यात गेलेला पुन्हा परत येत नव्हता म्हणून कोणीही त्या वाड्यात फिरकत नव्हते.

व्यंकटरावाना दोन मुले दोन मुली नातवंडे असा भला मोठा परिवार होता . दर दिवाळी आणि उन्हाळ्यात सर्व परिवार एकत्र येत होता. 

यावेळी मुलांनी कुतूहल म्हणून वाड्यात प्रवेश केला .आरश्यातील चिन्हांचे त्यांना आकर्षण वाटले आणि त्यांनी त्या चिन्हांचा अभ्यास करण्याचे ठरविले. पण तो प्रवास धोकादायक होता. यात काहीजणांच्या जीवावर  बेतणार हे नक्की होते.

पण काय आहे त्या आरश्यावरील चिन्हांचे अर्थ आणि त्यातून काय उलगडणार आहे ...?? 

एक क्षणाक्षणाला उत्कंठा वाढविणारी कादंबरी.

कादंबरी छोटी आणि आटोपशीर आहे. धक्कादायक वळणे नाहीत. त्यामुळे फार धक्के बसत नाहीत .