Crew
क्रू
कोहिनूर एयरलाईन्स दिवाळखोरीत चालली आहे .पण तिचा मालक विजय वालिया आणि सीईओ मित्तल हे कधीच मान्य करत नाही .
जास्मिन , दिव्या, गीता तिघी कोहिनूर एयरलाईन्सच्या एअर हॉस्टेस. स्टाफला वेळेवर पगार मिळत नाही. फ्लाईटच्या भत्त्यावर त्यांचे चालले आहे. गीताचा पीएफ अडकला आहे. दिव्या पायलट आहे पण तिला जॉब मिळाला नाही म्हणून एअर हॉस्टेस झालीय.घरच्यांपासून ही गोष्ट लपवून ती नोकरी करतेय.तर जास्मिन आजोबांसोबत राहतेय.सर्वांच्या घरी पैश्याचे प्रॉब्लेम आहेत.
एके दिवशी त्यांना आपल्या फ्लाईटमधून मुंबईतून दुबईला चोरट्या मार्गाने सोने जातेय याची माहिती मिळते. यात मित्तलचा हात असतो अशी खबर लागते.ते मित्तलकडून सोने दुबईला पोचविण्याची जबाबदारी घेतात .त्याबदल्यात त्यांना खूप पैसे मिळणार असतात.
हे सर्व सुरळीत चालू असताना एके दिवशी तिघांनाही अटक होते. त्यांच्याकडे सोने मिळत नाही . पण त्या फ्लाईटमधील सोने छतामध्ये सापडते.
अचानक विजय वालिया परदेशात पळून जातो आणि कोहिनूर एअरलाईन्सची दिवाळखोरी जाहीर करतो.एका क्षणात कोहिनूर एअरलाईन्सचा सर्व स्टाफ रस्त्यावर येतो.
देशातून दुबईला जाणारे सर्व सोने विजय वालियाचेच आहे असे या तिघीना कळते.आपले हक्काचे पैसे न देता त्याने त्या पैश्याचे सोने घेऊन ते दुबईला नेले हे कळताच त्यांना धक्का बसतो आणि त्या दुबईला जाऊन विजय वालियाकडून ते चोरायचे ठरवितात.
पण या तीन साध्या एअर हॉस्टेसला हे शक्य होईल का ??
तब्बू ,करीना कपूर ,कीर्ती सोमण अनुक्रमे गीता, जास्मिन, आणि दिव्याच्या भूमिकेत आहेत..तब्बू आणि करीना कपूरचे वय स्पष्ट दिसून येते आणि त्या एअर हॉस्टेसच्या भूमिकेत फिटही बसत नाहीत.
चित्रपट विनोदी थ्रिलर असल्यामुळे बऱ्याच गोष्टी खपून जातात .एक टाईमपास म्हणून पाहायला हरकत नाही.
चित्रपट नेटफ्लिक्सवर हिंदी भाषेत आहे.
No comments:
Post a Comment