शिन्डलर लिस्ट

Schindler's List

शिन्डलर लिस्ट

ऑस्कर शिन्डलर मूळ झेकोस्लोवासियाचा जर्मन नाझी पार्टी मेम्बर .त्याला दुसऱ्या महायुद्धाचा फायदा स्वतःच्या फायद्यासाठी करायचा आहे म्हणून तो क्रकोवला आलाय.

क्रकोवच्या छावणीत भरपूर  पोलिश ज्यू आहेत. ऑस्करला तिथे तपेली आणि तवे बनविण्याचा कारखाना काढायचा आहे त्यासाठी त्याने तिथल्या जर्मन अधिकारी आणि शिपायांना मोठमोठ्या लाच दिल्या आहेत. त्याला ज्यूचा पैसा आणि ज्यू कामगार वापरून पैसे कमवायचे आहेत.

ऑस्कर रंगेल आहे .त्याची राहणीमान उच्च दर्जाची आहे.जिथे जाईल तिथे तो आपली छाप पडतो .

इट्झहक स्टर्न हुशार ज्यू अकाउंटंट .ऑस्कर त्याला बरोबर हेरतो आणि आपल्याकडे ठेवतो.त्याच्या मदतीने तो ज्यू वर्कर आणतो .पैसे उभारतो आणि कारखाना सुरू करून लाखो रुपये कमावतो.

पण एके दिवशी अमोन गोथ हा नाझी अधिकारी त्या छावणीत येतो आणि सगळे बदलून टाकतो.तो इच्छा झाली की कोणत्याही ज्यूला गोळी घालून ठार मारतो.त्यांच्यामुळे ऑस्करचा कारखाना बंद झाला.पण ऑस्करने त्याच्याशीही मैत्री केली.

क्रकोवची छावणीत आता इतर देशातूनही ज्यू येऊ लागलेत.त्यामुळे वृद्ध ज्यू स्त्री पुरुषांना गॅस चेंबरमध्ये पाठवायची वेळ झालीय.काही दिवसातच त्यांना वेगळे करण्यात येणार आहे .आता ऑस्करच्या मनात माणुसकी जागी झाली.त्याने गोथला विनंती करून ,लाच देऊन काही ज्यूना आपल्या सोबत कारखान्यात घेऊन जायची विनंती केली .गोथने परवानगी देताच त्याने ठराविक ज्यूची लिस्ट बनविण्यास सुरू केली .काही ज्यू इतर छावणीत होते त्यांना तिथल्या अधिकाऱ्यांना योग्य लाच देऊन परत आणण्यात आले.

एकूण अकराशे ज्यूची लिस्ट बनवून त्यांना ऑस्कर शिन्डलरच्या ताब्यात देण्यात आले .मृत्यूच्या दाढेतून एकूण अकराशे ज्यूना वाचविण्यात ऑस्कर कसा यशस्वी झाला ते चित्रपट पाहूनच कळेल.

स्टीव्हन स्पिलबर्गचा हा चित्रपट पाहून आपण अस्वस्थ होतो. काही प्रसंगी आपल्याला उठून जावेसे वाटते पण आपण जाऊ शकत नाही.आपल्या देशातून ,आपल्या घरातून काही न घेता हुसकावून लावले तर काय अवस्था होईल याची जाणीव हा चित्रपट पाहताना होते.त्याचवेळी ऑस्कर हा एक आशेचा किरण घेऊन येतो.तो स्वार्थी आहे पण माणूस आहे .भयंकर उकड्यात एका रेल्वेच्या बोगीत शेकडो ज्यू कोंबले असताना त्यांच्यावर पाण्याची फवारणी करणारा ऑस्कर ,त्यासाठी त्याने कित्येकांना वेगवेगळ्या प्रकारे लाच दिलीय. लिस्टमधील ज्यूना एकत्र करताना हातातील घड्याळ ,सिगारेट केस ,लायटर ,वाईन देऊन त्यांना एकत्र आणलय.

लियाम निसोन या त्यावेळच्या नवोदित अभिनेत्याला ऑस्कर शिन्डलरची प्रमुख भूमिका साकारायची संधी दिली आणि त्याच्या सोबत स्टर्न म्हणून बेन किंगस्ले सारख्या दमदार अभिनेत्याला उभे केले.

एकूण सात ऑस्कर अवॉर्ड या चित्रपटाला मिळाले .

हा संपूर्ण चित्रपट ब्लॅक अँड व्हाईटमध्ये आहे.

नेटफ्लिक्सवर हिंदी भाषेत आहे.