घेई छंद .... सुबोध भावे

घेई छंद .….. सुबोध भावे

शब्दांकन ....अभय अरुण इनामदार 

ग्राफ्ट 5 पब्लिकेशन्स

एखाद्या उत्कृष्ट कलाकृतीची निर्मिती कशी होते ...?? ती निर्मिती घडविण्यामागे काय कारणे असतात...?? ती पूर्ण करण्यात किती आणि कोणत्या प्रकारच्या अडचणी येतात ....?? याची कल्पना प्रेक्षकांना रसिकांना नसते . ते फक्त ती पूर्ण झाल्यावर तिचा आस्वाद घेतात आणि मनापासून दाद देत डोक्यावर ही घेतात . त्यावेळी निर्मितीकाराचा आनंद हा फक्त त्यालाच अनुभवता येतो.

हे पुस्तक म्हणजे सुबोध भावेचे आत्मचरित्र नाही तर अश्याच काही त्यांनी निर्मिती केलेल्या कलाकृतींची पडद्यामागील कहाणी आहे. 

साधारण एखादा लोकप्रिय अभिनेता निर्मिती क्षेत्रात उतरतो तेव्हा त्याला खूप सोपे जात असेल असे आपल्याला वाटते . पण पैसे ..जागा ...कलाकार.. वेळ ...अश्या अनंत अडचणींना त्याला सामोरे जावे लागते .

सुबोध भावेनी या पुस्तकात कट्यार काळजात घुसली हे नाटक आणि बालगंधर्व ,लोकमान्य ,आणि कट्यार काळजात घुसली  या चित्रपटाच्या निर्मितीची कहाणी सांगितली आहे . त्यामागे त्यांची सहकलाकाराना घेऊन केलेली धडपड , शूटिंगच्या वेळी येणाऱ्या अडचणी ,निर्मितीमागची प्रेरणा ,बुजुर्ग कलाकारांनी केलेली मदत ,इतकेच नव्हे तर आपल्या या वेडाचे कुटुंबावर होणारे छोटे छोटे परिणाम ही सांगितले आहे .

आपणांस आवडलेल्या कालाकृतीमागे कितीजणाचे  कष्ट आहेत...अविश्रांत मेहनत आहे हे जाणून घ्यायचे असेल तर घेई छंद नक्कीच वाचायला हवे.

© श्री. किरण कृष्णा बोरकर