अलक ....१८
बऱ्याच वर्षांनी तो दिवाळीत गावी आला होता .गावातील लहान मुलाना जमवून रात्री छान गप्पा रंगल्या होत्या . गावाच्या शेवटी असलेल्या घरातील म्हातारी फटाके वाजल्यावर कश्या शिव्या द्यायची तो ते रंगवून सांगत होता . इतक्यात एक पोरगा म्हणाला "होय काका.....ती अजूनही फटाके वाजल्यावर शिव्या देत बाहेर येते." कसे शक्य आहे....?? तो हादरला . त्यानेच तर तिचे प्रेत पहिल्यांदा पाहिले होते .. शुभ दीपावली
© श्री. किरण कृष्णा बोरकर
No comments:
Post a Comment