सन्स ऑफ फॉर्च्युन... जेफ्री आर्चर

सन्स ऑफ फॉर्च्युन... जेफ्री आर्चर

अनुवाद..अजित ठाकूर 

मेहता पब्लिशिंग हाऊस

सुझान आणि मायकेल कार्टराईटच्या आयुष्यात चक्क जुळ्यांचा प्रवेश होणार होता.त्यातील थोरला नॅट तर दुसरा पीटर सहा मिनिटांनी जन्माला आला . 

रूथ डेव्हनपोर्टचा दोनदा अकाली गर्भपात झाला होता. आता ही आई होण्याची ही तिची शेवटची संधी असेल असे डॉक्टरांनी तिला सांगितले होते. सुझान आणि रूथ एकाचवेळी सेंट पॅट्रिक हॉस्पिटलमध्ये प्रसूतीसाठी ऍडमिट झाल्या.रूथ त्या हॉस्पिटलची अध्यक्ष होती.

दुर्दैवाने रुथचा मुलगा जन्माला येतात काही वेळाने मरण पावला . हा धक्का तिला सहन होणार नाही याची कल्पना तिची खाजगी नर्स निकॉलला होती आणि म्हणूनच तिने पीटर कार्टराईटला रूथच्या हाती दिले आणि सुझानच्या हाती रूथचा मृत मुलगा दिला .

पुढे दोन्ही भाऊ वेगवेगळ्या ठिकाणी वाढू लागले .दोघेही जन्मतः हुशार असल्यामुळे त्याच्या प्रगतीचा आलेख उंचावत होता .

नॅट कार्टराईट तरुणपणातच सैन्यात भरती होऊन व्हिएतनाम युद्धात भाग घेतला आणि शौर्यपदक मिळवले नंतर तो प्रसिद्ध बँकर बनला तर पीटर उर्फ पलेचरने वकील होऊन राजकारणात शिरकाव केला .

पुढे दोघांनाही गव्हर्नरपदाची उमेदवारी मिळाली आणि ते एकमेकांसमोर उभे ठाकले. अचानक त्यातील तिसऱ्या उमेदवाराचा खून झाला आणि त्याचा आळ नॅट कार्टराईटवर आला .त्याला यातून वाचवण्याची ताकद फक्त एकाच व्यक्तीकडे होती आणि ती व्यक्ती म्हणजे पलेचर डेव्हनपोर्ट......

पण पलेचर डेव्हनपोर्ट त्याला या खूनाच्या आरोपातून बाहेर काढेल का ???  दोघांनाही आपले जन्म रहस्य माहीत होईल का ...?? शेवटी गव्हर्नरपदाची माळ कोणाच्या गळ्यात पडेल ...??

जेफ्री आर्चरने आपल्या नेहमीच्या शैलीत विस्ताराने ही कथा लिहिली आहे . यातील काळ खूप मोठा आहे. कथानायकाच्या जन्माच्या आधीपासून ते लहानाचे मोठे कसे होतात आणि त्याच मार्गाने त्यांच्या आयुष्यातील ठळक घडामोडी मांडल्या आहेत. पण हे वाचताना कुठेही कंटाळवाणे होत नाही . उलट काही ठिकाणी नर्म विनोद ही आहेत. सुरवातीलाच रहस्य उघड होऊनही आता पुढे काय घडेल याची उत्सुकता सतत वाटत आपण पुस्तक वाचत जातो ते अगदी शेवटच्या पानावरील शेवटच्या ओळीपर्यंत.