फिडेल कॅस्ट्रो ....अतुल कहाते

फिडेल कॅस्ट्रो ....अतुल कहाते

मनोविकास प्रकाशन 

क्युबा म्हटले की डोळ्यासमोर येतो तो हवाना सिगार ,मुष्ठीयोध्ये आणि फिडेल कॅस्ट्रो.

अर्थात नवीन पिढी कोण हा कॅस्ट्रो..?? म्हणून विचारेल आणि म्हणूनच लेखकाला कॅस्ट्रोला नवीन पिढीसमोर आणावेसे वाटले.

1959 साली फिडेल कॅस्ट्रोच्या नेतृत्वाखाली क्रांतिकारी युवकांनी क्युबात स्वातंत्र्याचे वारे आणले.अमेरिकेने आपल्या आज्ञेत राहतील असे हुकूमशहा क्युबाला दिले पण एकटा फिडेल कॅस्ट्रो त्या सर्वांना पुरुन उरला. अमेरिकेने त्याला खूप त्रास दिला. त्याला मारण्याचे शेकडो प्रयत्न केले. पण फिडेल आपल्या निर्णयावर ठाम राहिला आणि अमेरिकेशी सतत संघर्ष करीत राहिला .जेमतेम मुंबई इतकी साधारण दीड कोटी लोकसंख्या आणि फक्त 100 चौ. किलोमीटर आकार असलेल्या क्युबावर कॅस्ट्रोमुळे अमेरिकेला कधीच वर्चस्व राखता आले नाही. त्याने जवळजवळ पन्नास वर्षे क्युबाचे नेतृत्व केले. अमेरिकेने त्याला वेठीस आणण्यासाठी क्युबाची आर्थिक राजकीय कोंडी करायचे प्रयत्न केले पण सोव्हिएत युनियनच्या पाठिंब्यावर कॅस्ट्रोने अमेरिकेवर मात केली.

क्युबा चार शतके स्पॅनिश सत्तेच्या नियंत्रणाखाली होती पण 1898 ला क्रांतिकारांनी क्युबा स्वतंत्र केले आणि ताबडतोब अमेरिकेने यात उडी मारली. फिडेलचे बालपण अतिशय सुखात गेले.  अभ्यासात फार गती नव्हती पण इतिहासात रस होता . त्याची भाषणे अतिशय प्रभावशाली असत. तो दोन ते चार तास सलग एका जागी उभे राहून भाषण देऊ शकत असे.

अखेर 26 नोव्हेंबर 2016 साली फिडेल क्रिस्टोने जगाचा निरोप घेतला .

लेखकाने अतिशय सुरस आणि रोमांचकारी पद्धतीने चरित्र लिहिले आहे त्यामुळे वाचताना कंटाळा येत नाही . अमेरिकेविरुद्ध त्याने सतत वेगवेगळे डावपेच वापरले .तो शेवटपर्यंत अमेरिकेचा विरोधकच राहिला .