#संकल्पना
#MyComfortFood
माय कम्फर्ट फूड
खरे तर मी खाण्याच्या बाबतीत फार हौशी नाही . पण बऱ्याचदा वेगळी डिश टेस्ट करायला आवडते. त्यातही मांसाहार करण्यात जास्त भर असतो .मला जेवणाची रेसिपी बघायला खूप आवडते. त्यांचे प्रेझेन्टेशन उत्तम असते.त्यावेळी वाटते जेवण बनविणे फार सोपे आहे पण प्रत्यक्षात कठीणच असते .
ऑम्लेट बऱ्याचजणांना बनविता येते .पहिल्यांदा थोडा त्रास होतो पण हळूहळू हात बसतो .माझाही हात बसला मग त्यानंतर मी अंड्यावर अनेक प्रयोग केले . त्यात बुर्जी, उकडलेल्या अंड्याची बुर्जी कधी कधी तव्यावर कांदा टोमॅटो टाकून भाजी.तर कधी नुसती फ्राय. सोबतीला पाव असतातच . मग तितके पोट भरण्यासाठी पुरेसे असते .
पण अंडी किती खाणार ?? रोज तेचतेच खाऊ शकत नाही ना ..?? मग मॅगी आहेच की..!
दोन मिनिटात तयार होणाऱ्या या पदार्थाने जगाला भुरळ पाडली आहे . उकळत्या पाण्यात मॅगी टाकायची आणि त्यांनी दिलेला मसाला टाकायचा आणि फक्त दोन मिनिटे ढवळायचे, झाली तुमची डिश तयार.
पण नंतर त्याचाही कंटाळा आला.चला नवीन प्रयोग करून पाहू .मग त्या मॅगीत कांदा टोमॅटो आला .तिखटपणा हवा म्हणून मसाले आले .फ्रीजमध्ये काही मिळते का ते पाहू लागलो . कधी कधी मक्याचे दाणे असायचे तर कधी चणे.कधी कधी तर कोबी आणि बिट ही सापडायचा . मग ते ही मॅगीत एकरूप व्हायचे .आणि फ्रीझमधील नावडत्या वस्तू ही संपायच्या .
हल्ली रेडी टू इटचा जमाना आलाय .त्यात वेगवेगळे अँप तुम्हाला वेगवेगळ्या रेडी टू इट द्यायला तयार असतात .आहो व्हेज नॉनव्हेज काहीही मिळतील फक्त ऑर्डर करा आणि विडिओ पाहून बनवा .
शेवटी जिथे पैश्याचा आणि चवीचा प्रश्न येतो तेव्हा मॅगी आणि ऑम्लेट हेच आपले कम्फर्ट फूड आहे.
© श्री.किरण कृष्णा बोरकर
No comments:
Post a Comment