Guns of the Magnificent Seven (1969 )
मॅग्नफीसंट सेवन सिरीजचा हा चित्रपट आहे . मेक्सिकोतील क्रांतिकारी नेता क्वांटेरॉ प्रेसिडन्टच्या सैन्याकडून पकडला जातो .अटकेपूर्वी तो सहाशे डॉलर आपल्या मॅक्स नावाच्या अधिकाऱ्याकडे देतो आणि आपल्या सुटकेसाठी ह्याचा वापर कर असे सांगतो .
मॅक्स मेक्सिको बॉर्डर पार करून क्रिस ऍडमला भेटतो.क्रिस व्यावसायिक आहे .तो या कामासाठी काही माणसे निवडतो .किनो घोडेचोर आणि हाणामारीत तरबेज आहे.कॅस्सी बॉम्ब बनविण्यात हुशार आहे. स्लॅटर एका हाताने अधू आहे पण निशाणेबाज आहे. मॉर्गन सुरफेकीत निष्णात आहे.
हे सर्व मॅक्स सोबत मेक्सिकोत येतात .आता तुरुंगात जाऊन क्वांटेराला कसे सोडवितात हे पाहणे उत्कंठावर्धक आहे.
हा एक क्लासिक वेस्टर्न चित्रपट आहे.मेक्सिकोतील ओसाड जमीन , रखरखीत ऊन ,तुफान घोडेस्वारी आणि पिस्तुलबाजीची रेलचेल असलेला हा चित्रपट प्राईम व्हिडिओवर इंग्रजी भाषेत आहे.
ज्यांना जुने वेस्टर्न चित्रपट आवडतात त्यांनी हा चित्रपट चुकवू नये.
No comments:
Post a Comment