Laththi charge
लठ्ठी चार्ज
पोलीस कॉन्स्टेबल मुरुगनाथम गेल्या सहा महिन्यांपासून निलंबित आहे.एका निरपराधी नागरिकाला मारहाणीचा आरोप त्याच्यावर होता. पण मुरुगनाथम प्रामाणिक आणि शूर कॉन्स्टेबल आहे.त्याच्या जुन्या कामगिरीची आठवण ठेवून वरिष्ठांच्या शिफारशीवरून त्याला परत नोकरीत घेतले.
मुरुगनाथमची बायको नर्स आहे तर दहा वर्षाचा मुलगा आहे.मुलाला दम्याचा आजार आहे. सहा महिन्यांपूर्वी एका मुलीच्या बलात्काराच्या आरोपावरून एका संशयिताला अटक केली जाते आणि मुरुगनाथम त्याला मारहाण करतो.पण तो संशयित निरपराध असतो.त्यामुळेच त्याला निलंबित केले होते.पण पुन्हा नोकरीत आल्यावर तो या प्रकरणाची चौकशी करतो आणि खऱ्या आरोपीला शोधून काढतो.
वेलाई शहरातील माफिया डॉन सुराचा मुलगा आहे.एके दिवशी तो एका पोलीस ऑफिसरच्या मुलीची छेड काढतो.तो अधिकारी कायद्याने वेलाईचे काही करू शकत नाही म्हणून अपहरण करतो आणि मुरुगनाथनला बोलावून त्याला लाठीने फोडून काढतो.
वेलाई हॉस्पिटलमध्ये सुराला मुरुगनाथनचा शोध घ्यायला सांगतो.सुराची सगळी यंत्रणा मुरुगनाथनच्या मागे लागते.शेवटी वेलाई आणि सुरा त्याला एका जुन्या अर्धवट बांधकाम झालेल्या इमारतीत अडकवतात. दुर्दैवाने मुरुगनाथनचा मुलगा ही त्याच्यासोबत तिथे अडकतो.
आता सुरा वेलाई आणि त्यांची शेकडो माणसे मुरुगनाथनच्या मागे लागली आहेत.ह्या सर्वांचा सामना करून तो आपल्या मुलाला आणि स्वतःला वाचविण्यात यशस्वी होईल का ??
चित्रपटाचा पूर्वार्ध थोडा संथ आहे पण उत्तरार्ध मात्र प्रचंड हाणामारीने भरलेला आहे.त्या अर्धवट बांधकाम असलेल्या उंच इमारतीत मुरुगनाथन या सर्वांशी कसा लढा देतो ते अंगावर काटा आणते.
सुपरस्टार विशाल मुरुगनाथनच्या प्रमुख भूमिकेत आहे.
जिओसिनेमावर हा चित्रपट हिंदी भाषेत आहे.
No comments:
Post a Comment