LEVEL CROSS
लेवल क्रॉस
तीन पात्रात एक चांगला सस्पेन्स थ्रीलर चित्रपट बनू शकतो का ?? तो ही फक्त संवाद आणि एकाच लोकेशनवर ?? मग त्यासाठी तुम्हाला साऊथचा लेवल क्रॉस पहावा लागेल.
ते कोणते राज्य आहे याची आपल्याला कल्पना नाही.पण तो भाग ओसाड निर्जन आणि वैराण आहे.नजर जाईल तिथपर्यंत चिटपाखरूही दिसत नव्हते.त्या भागात रस्ता आहे पण रस्त्यावरून एकही गाडी जात नव्हती.होय रस्ता होता, तसाच रेल्वे ट्रॅकही होता. दिवसभरात कधीही एखादी ट्रेन आणि मालगाडी जायची.त्यामुळे त्या रस्त्यावर क्रॉसिंगही होते.
रघू त्या क्रॉसिंगचा गार्डमन आहे. रेल्वे येण्याची वेळ झाली की तो युनिफॉर्म घालायचा. आणि क्रॉसिंग बंद करायचा .येणाऱ्या ट्रेनला हिरवा झेंडा दाखवून परत क्रॉसिंग उघडायचा.गेली अनेक वर्षे तो हेच काम करतोय. त्याच्या सोबतीला एक गाढव आहे.त्याचे घर क्रॉसिंगजवळच आहे.अनेक वर्षे त्यानेही कोणत्याही माणसाला तिथे पाहिले नाही.
पण त्या दिवशी थोडे विचित्र घडले.त्याने हिरवा झेंडा दाखविलेली ट्रेन पास झाली आणि थोड्याच अंतरावर कोणीतरी त्या ट्रेनमधून उडी मारली. रघूने पहिल्यांदा दुर्लक्ष केले पण त्याला नंतर राहवले नाही. तो तिथे गेला आणि आश्चर्यचकित झाला. ट्रेनमधून पडलेली ती व्यक्ती एक सुंदर तरुणी होती.
रघू तिला घरी घेऊन आला .बावळट दिसत असला तरी रघू सुशिक्षित होता.
त्या तरुणीने शुद्धीवर येताच आपली कहाणी त्याला सांगितली. तिचे नाव चैताली असून ती मानसोपचारतज्ञ आहे.आपला नवरा मानसिक रुग्ण आहे आणि त्याच्यापासून बचाव करायला ट्रेनमधून उडी मारली असे सांगते.रघू तिच्यावर विश्वास ठेवतो.पण तिलाही रघूचे रहस्य कळते आणि ती हादरते.
अचानक चैतालीचा पती झिंचो रघू समोर उभा राहतो. तो ही आपली कहाणी त्याला सांगतो.
दोघांच्याही कथा ऐकून रघु हैराण होतो ?
शेवटी रघू कोणाच्या बाजूने निर्णय घेईल. ?
रघुचे अस्तित्व काय आहे ?
चित्रपट आपली उत्कंठा शेवटपर्यंत ताणून धरतो आणि अनपेक्षित शेवट करतो.
विविध विषय आणि त्यावर उत्कृष्ट सादरीकरण हे साऊथच्या चित्रपटांचे वैशिष्ट्य आहे.त्यांना वेगवेगळे प्रयोग करायला आवडतात आणि म्हणूनच आज ते बॉलिवूडपेक्षा जास्त लोकप्रिय आणि यशस्वी आहेत.
असिफ अली रघूच्या मुख्य भूमिकेत आहे.वेडसर भासणारा पण प्रामाणिकपणे बोलणारा रघू सर्वांचे लक्ष वेधून घेतो.
अमला पॉलने चैताली रंगवली आहे.
शरफ धीनने चैतलीचा पती झिंचोची भूमिका केली आहे.
चित्रपट प्राईम व्हिडिओवर हिंदी भाषेत आहे.
No comments:
Post a Comment