डेड एन्ड.....राजश्री बर्वे
एक भयकथा/ गूढकथा संग्रह.यातील सर्व कथा यापूर्वी वेगवेगळ्या मासिकातून प्रसिद्ध झाल्या आहेत.त्यांना विविध पुरस्कारही मिळाले आहेत. काही कथा तर फारच विस्मयकारक आहेत.तर काही कथा वाचताना पुढे काय होणार याचा अंदाज येतो.पण लेखिकेने कथेची मांडणी चातुर्याने केली आहे .
आरपार कथेत वृद्ध बाईची कहाणी आहे.
मानसीचा चित्रकार तो यात एका चित्रकाराची कथा आहे तीही संपूर्ण गूढ आणि शेवटपर्यंत खिळवून ठेवणारी आहे .
बारा वाजायला एक मिनिट या कथेत तुम्ही काही केलेत तरी घडणारे चुकणार नाही हा आशय आहे.
चेहरा या कथेत एका गूढ जंगलात हरवलेल्या माणसाची कथा आहे .त्याची अस्वस्थता आणि हतबलतेचे अचूक वर्णन लेखिकेने केले आहे .ही कथा ही शेवटपर्यंत गुंतवून ठेवते.
प्रश्न होता तितकाच गहन या वाक्यावर लेखिकेने दोन कथा लिहिल्या आहेत. दोन्ही कथेची मांडणी वेगळी आहे . एका वाक्यावर किती कथा बनू शकतात याचे उत्तम उदाहरण .
सगळीच भुते वाईट नसतात या थीमवर रात्रीस खेळ चाले ही उत्तम कथा आहे.
तर शेवटची डेड एन्ड ही एक रहस्यकथा आहे.
अतिशय सोप्या भाषेत लिहिलेल्या कथा वाचकांना नक्की आवडतील .
No comments:
Post a Comment