द डार्कर साइड... कोडी मॅकफॅदियेन
अनुवाद....प्रकाश जोशी
मेहता पब्लिशिंग हाऊस.
एफबीआय एजंट स्मोकी बॅरेटच्यासमोर त्या सुंदर तरुणीचे प्रेत आहे.मृत असूनही ती सुंदर दिसते.जेमतेम विशीची असावी ती.तिचा खून झालाय आणि तो ही तीस हजार फूट उंचीवरून उडणाऱ्या विमानात.पण हे तर स्मोकीचे कार्यक्षेत्र नाहीय.ती लॉस एंजलीस शाखेत काम करते. दक्षिण कॅलिफोर्नियातील वाईटतील वाईट गोष्ट हाताळतेय. विकृत खुनी,लिंगपिसाट , सिरीयल किलर अश्या लोकांच्या मागावर ती असते.पण एका मोठ्या राजकीय व्यक्तीच्या दबावामुळे तिला इथे बोलावले आहे.
एजंट स्मोकी स्वतः एका विकृत खुन्याच्या हल्ल्याला बळी पडलेली आहे.त्यात तिचा चेहरा नको तितका विद्रुप झाला आहे .आता चेहऱ्यावरील खुणा आयुष्यभर तिला साथ देणार आहेत आणि तिने ते सत्य स्वीकारले आहे.
खून झालेली ती तरुणी एका मोठ्या राजकीय नेत्याचे अपत्य आहे. तिने एक धक्कादायक गुपित लपवून ठेवले होते. मृत मुलीच्या आईचा स्मोकीवर पूर्ण भरोसा आहे.
मृत तरुणीच्या शरीरात एक गोष्ट मिळते त्यावरून स्मोकीला आता खुनाची मालिका सुरू होईल अशी भीती वाटते आणि त्याच वेळी अमेरिकेच्या दुसऱ्या भागात एका तरुणीचा तसाच खून झाल्याची बातमी येते.हळू हळू अनेक खून उघडकीस येतात. खुन्याने खून केल्यावर त्या क्लिप सोशल मीडियावर अपलोड केलेल्या असतात. खून झालेल्या प्रत्येक मुलींच्या आयुष्यात एक गुपित लपलेले आहे जे खुनी उघड करून त्यांची हत्या करतोय.
त्याने आतापर्यंत किती खून केले आहेत ?? त्याचा हेतू काय आहे...??? त्याला त्यांची गुपिते कशी समजली जातात...?? स्मोकी आणि तिची टीम त्याचा शोध घेईल का ...???
No comments:
Post a Comment