THE IDOL THIEF....एस. विजय कुमार
मूर्तिचोर..... डॉ. शूचिता नांदापूरकर- फडके
मंजुल पब्लिशिंग हाऊस
ही आहे भारतातील मंदिराच्या मूर्तीलुटीची सत्यकथा
साधारण ख्रिस्तोत्तर शतकात तामिळनाडूतील अरियालूर स्थानजवळील एका लहानशा खेड्यात ती नटराजची मूर्ती घडवली गेली.आणि तेथील मंदिरात तिची स्थापना झाली.
ख्रिस्तोत्तर १३११ मंदिराच्या पुजाऱ्याने सर्व मूर्त्या काढून त्या विधिवत जमिनीखाली गाडल्या आणि अल्लाउद्दीन खिलजीच्या आक्रमणाला सामोरे गेला. या आक्रमणात त्यासकट पूर्ण गाव आणि मुलगाही धारतीर्थ पडला . पण आपण मूर्ती वाचवल्या याचे समाधान त्याच्या चेहऱ्यावर दिसून येत होते.
सुभाष कपूर अमेरिकेत राहणार मूर्तीविक्रेता आणि मुख्य आरोपी. तामिळनाडूमधील मंदिरातून मूर्ती चोरल्याचा त्याच्यावर आरोप होता. त्याच्या अनेक गॅलरीमधून अमेरिकी अधिकाऱ्यांनी १०० दशलक्ष डॉलर किमतीच्या प्राचीन मूर्ती हस्तगत केल्या.
संजीवी असोकन चेन्नईबाहेर राहणारे मूर्ती व्यापारी . तामिळनाडूतील अनेक वर्ष बंद असलेल्या मंदिरातून ते मूर्ती चोरून सुभाष कपूरला विकत .
मूर्तीचोरीच्या तस्करीसाठी तामिळनाडू पोलिसांनी आयडॉल विंग हा स्वतंत्र विभाग सुरू केला. अर्थात त्या विभागाकडे फारसे अधिकार ही नव्हते.ना पुरेसा स्टाफ. तरीही ते मूर्ती तस्करांच्या मागावर होते.
न्यूयार्क मधील गॅलरीत सुभाष कपूर यांनी चोल काळातील नटराज आणि शिवकामी या जोडीसाठी ८.५ दशलक्ष डॉलर्स इतकी किंमत ठेवली होती.
या मूर्त्या कोठून आल्या याचा शोध लेखकाने घेण्यास सुरुवात केली .
लेखक विजयकुमार हे सिंगापूर येथे शिपिंग कंपनीत जनरल मॅनेजर असून ते चोरलेल्या मूर्तींचा शोध घेण्याचे कार्य करतात.
या पुस्तकात आपल्याला तामिळनाडू येथील अनेक मंदिरातून चोरीला गेलेल्या मूर्त्यांचा इतिहास सापडतो . त्यात उमा, पार्वती,नटराज, गणेश अश्या अनेक मूर्त्यांचा समावेश आहे . या मूर्त्या वेगवेगळ्या मार्गाने अमेरिकेत जात.अश्याच एका मुंबईतून आलेल्या पेटार्यावर अधिकाऱ्यांची नजर पडली आणि सुरू झाली शोध मोहीम.
लेखक आणि त्याच्या सहकाऱ्यांनी पोलिसांना सहकार्य करून या चोरीच्या मुळाशी गेले .अमेरिकेतील अधिकाऱ्यांनी ही या प्रकरणाचा शेवटपर्यंत पाठपुरवठा केला .
हे सर्व कसे घडते...?? मंदिरातून मूर्ती कश्या चोरीला जातात..?? त्या कश्या आणि कोणत्या मार्गाने योग्य जागी पोचतात.. त्यांचे खरीदार कोण असतात ...?? किंमत कशी ठरवली जाते..?? मूर्तीचोरीसाठी कायदे काय आहेत..?? मूर्तीचोरांसाठी शिक्षा काय आहेत ?? याची सर्व माहिती या पुस्तकातून मिळते.
लेखकाने या चोऱ्या फक्त तामिळनाडूतील मंदिरातील मूर्तीविषयी लिहिल्या आहेत.अजूनही महाराष्ट्र,मध्यप्रदेश, राजस्थान आणि इतर अनेक राज्यात मूर्ती चोऱ्या होत आहेत .आपले देव आपली हजारो वर्षांची संस्कृती परदेशात विकली जातेय.
लेखकाने अतिशय उत्कंठावर्धक पद्धतीने संपूर्ण घटनांची मांडणी केली आहे . एका वेगळ्या विषयाची सखोल माहिती या पुस्तकातून आपल्याला मिळते.
No comments:
Post a Comment