गोल्डा एक अशांत वादळ .... वीणा गवाणकर
इंडस सोर्स बुक
पहिल्या आणि दुसऱ्या महायुद्धात ज्यू लोकांवर अनन्वित अत्याचार झाले. युरोपातील बऱ्याच देशातून त्यांना परागंदा व्हावे लागले . पण या लोकांनी चिकाटी सोडली नाही . जी भूमी मिळेल ती आपली मानून कष्ट केले . पण काही लोकांना स्वतःचे राष्ट्र हवे होते. आपला देश जिथे फक्त आपले वर्चस्व असावे यासाठी काही लोक लढा देत होते .त्यातीलच एक कणखर स्त्री म्हणजे गोल्डा मेयर .
ज्यू हे पूर्वीपासूनच अरबांचे शत्रू . अरबांच्या आठ राष्ट्रांनी इस्त्रायलला चहूबाजूनी वेढले आहे. संधी मिळेल तेव्हा त्यांनी इस्त्रायलवर हल्ले केले .पण हे ज्यूचे छोटे राष्ट्र सर्वाना पुरून उरले.जगातील सर्वश्रेष्ठ गुप्तहेर संघटना मोसाद त्यांनी स्थापन केली.
हे चरित्र आहे इस्रायलच्या उभारणीत मोठा वाटा असलेल्या परराष्ट्रमंत्री .. श्रम रोजगार मंत्री पंतप्रधान अश्या विविध भूमिका खांद्यावर घेऊन वाटचाल करणाऱ्या गोल्डा मेयर या महिलेचे .
गोल्डा मूळची युक्रेन ज्यू . इतरांसारखे तिच्या वडिलांनीही अमेरिकेत स्थलांतर केले. घरची परिस्थिती मध्यमवर्गीय . ती पहिल्यापासूनच बंडखोर स्वभावाची .डेनव्हरमध्ये ज्यू विद्वानांच्या चर्चा चालायच्या त्याला ती उपस्थित असायची. यामध्ये स्वतंत्र यहुदी राष्ट्राची संकल्पना निर्माण होत होती. डेव्हिड बेन गुरियॉन यांचे नेतृत्व आणि थोर जैव रासायनिक शात्रज्ञ डॉ. वाइझमन यांचा पाठिंबा हे तिला जवळून पाहता आले आणि तिने या चळवळीत स्वतःला झोकून दिले. साधी कार्यकर्ती ते पंतप्रधान हा गोल्डाचा प्रवास विलक्षण आहे . वीणाताईनी सोप्या भाषेत तिचे चरित्र उलगडून दाखविले आहे .अधिक काही लिहिण्यापेक्षा हे पुस्तक प्रत्येकाने वाचावे असेच मी म्हणेन .
No comments:
Post a Comment