ड्रॅक्युला..... ब्रॅम स्टोकर

ड्रॅक्युला..... ब्रॅम स्टोकर

अनुवाद..स्नेहल जोशी 

साकेत प्रकाशन 

शतकानुशतके रक्त पिणारे पिशाच असा त्याचा उल्लेख केला जातो. ह्याची एक गढी आहे. त्याविषयी आजूबाजूच्या गावात भीतीदायक वातावरण आहे. लोक त्या गढीचा उल्लेख जरी झाला तरी देवाला हात जोडतात. हा म्हणे रात्री वटवाघळाचे रुप घेऊन बाहेर पडतो तर कधी लांडगा बनून . दिवसा तो गढी बाहेर पडत नाही पण काही खात ही नाही .ह्याच्या संपर्कात येणाऱ्या व्यक्तीच्या मानेजवळ फक्त दोन बारीक छिद्र दिसतात.बारीक पिन टोचल्यासारख्या. पुढे ती व्यक्ती पांढरी पडत जाते आणि अशक्त होऊन मरून जाते.

जोनाथन हार्कर हा तरुण सॉलिसिटर कामानिमित्त त्या सरदार ड्रॅक्युलाच्या गढीत जातो तेव्हा गावातील लोकांच्या डोळ्यात एक अनामिक भीती दिसते .पुढे सरदार त्याला भेटतात पण त्यांचे वागणे हुकूमशहाचे असते.हळूहळू जोनाथनला कळून चुकते की आपण इथे कैदेत आहोत.न राहवून तो सरदाराच्या खोलीत जातो तेव्हा खिडकीतून सरदाराला भिंतीवरून सरपटत  उतरताना पाहतो. जोनाथन आपल्या डायरीत या सर्व घटना लिहून ठेवतो.

पुढे जोनाथनने आपली पत्नी आणि मित्रांना सोबत घेऊन या ड्रॅक्युलाशी कसा सामना केला आणि त्याला पराभूत केले याची कहाणी आहे.

मूळ पुस्तक साधारण 1897 सालातील आहे .ते अजून ही बेस्ट सेलर म्हणून गणले जाते. पण पुस्तक मनाची पकड घेत नाही . घटनांचा एक सलगपणा  येत नाही . मध्येच काही पात्रे विस्कळित झाल्यासारखी वाटतात .पुस्तक वाचताना भीतीदायक वाटत नाही .पण एक अनुभव म्हणून वाचायला हरकत नाही .