द किल लिस्ट .... फेडरीक फोरसाइथ

द किल लिस्ट .... फेडरीक फोरसाइथ

अनुवाद.....बाळ भागवत

मेहता पब्लिशिंग हाऊस

त्याचे नाव जगातील कोणत्याही राष्ट्राच्या दहशतवादी लिस्टमध्ये नव्हते. कोणाकडे त्याचा साधा फोटोही नव्हता .तो व्हिडिओद्वारे प्रवचन द्यायचा . जिहादचा प्रसार करायचा. कुराणाचे दाखले द्यायचा . जगभरातील अनेक मुस्लिम तरुणांना त्याने आत्मघातकी दहशतवादी बनण्यास प्रवृत्त केले होते. त्याचे म्हणणे खूप सोपे होते.आपल्या विभागातील प्रसिद्ध व्यक्ती निवडा आणि त्यांना ठार करा. व्हिडिओवर त्याचे पिंगट डोळेच दिसायचे. 

अमेरिकेत आणि ब्रिटनमध्ये अचानक काही ठिकाणी आत्मघाती हल्ले सुरू झाले.हल्लेखोर एकटेच असायचे. त्यांच्या घराची झडती घेतली तेव्हा अनेक जिहादी प्रवचनाच्या विडिओ सिडी आढळून आल्या. तो कोण आहे हे कोणालाच माहीत नव्हते. म्हणून त्याचे नाव प्रीचर ठेवण्यात आले.

वॉशिंग्टनमध्ये एका गुप्त अंधाऱ्या जागी एक लिस्ट लपवून ठेवली आहे. त्या यादीतील लोक अमेरिकेची शत्रू आहेत. कोणतेही खटले पुरावे दाखल न करता त्यांना ठार मारण्यात येते.या यादीलाच म्हणतात द किल लिस्ट. अमेरिकन राष्ट्राध्यक्ष आणि त्याखालील महत्वाच्या सहा व्यक्ती या यादीत नावे टाकतात . आता प्रीचरचे नाव यादीत टाकले गेले.

जे-एस.ओ. सी. ही जगातील सर्वात धोकादायक खाजगी सैन्यदल असलेली संस्था आहे आणि त्याचे नियंत्रण राष्ट्राध्यक्षांकडे आहे. या संस्थेकडे प्रीचरला ठार मारण्याचे काम सोपविण्यात आले . त्याला शोधणाऱ्या व्यक्तीला ट्रॅकर संबोधण्यात येते.

मुळात प्रीचर आहे कोण....?? कसा दिसतो...?? कुठे सापडेल ..?? याची ट्रॅकरला मुळीच माहिती नाही. सीआयएचे कुशल संगणकतज्ञही त्याचा माग घेऊ शकत नाही. अश्यावेळी व्हर्जिनियातील एक अठरा वर्षाचा  मुलगा जो आई वडिलांसोबत राहतो आणि त्यांना सोडून तो कुठेही बाहेर जात नाही .त्याचा घराचा पोटमाळा हेच त्यांचे विश्व पण एकदा का सायबर विश्वात घुसला तर त्याचा हात कोणीच धरू शकत नाही  तो ट्रॅकरच्या मदतीला येतो . ट्रॅकर त्याला एरियल नाव देतो.एरियल हा अगोरा फोबिया या मानसिक आजाराचा बळी आहे. आपला पोटमाळा सोडून तो कुठेही जात नाही पण तो संगणकक्षेत्रात बाप आहे.तो प्रीचरला शोधून काढतो.

आता फक्त प्रीचरला त्याच्या बिळातून बाहेर काढून मारणे हेच बाकी होते. पण ते सहज शक्य नव्हते.  ड्रोनद्वारे कोणतेही क्षेपणास्त्र सोडायचे नाही .निरपराधी मारले जाता नये या प्रमुख अटी ट्रॅकरला मदत करणाऱ्या इतर संघटनांनी घातल्या होत्या.

ट्रॅकर आपल्या भक्ष्याला अर्थात प्रीचरला उघड्यावर आणेल का ??? त्यासाठी तो कोणते अमीश दाखवेल...?? प्रीचर त्याला बळी पडेल का ....?? 

अतिशय थरारक उत्कंठावर्धक पाठलाग लेखकाने आपल्या नेहमीच्या शैलीत केला आहे .

एकदा वाचायला घेतले की संपल्याशिवाय खाली ठेवणार नाही असे पुस्तक .